ىستامبۇلدا سۇلتان احمەت مەشىتىنىڭ مۇناراسىنان اسىپ كەتكەن عيماراتتار قىسقارتىلىپ قايتا جاسالادى. بۇل تۋرالى  Islam.kz. سايتى جازدى.

مەشىتتىڭ كوركىن بۇزىپ، مەشىت مۇنارالارىمەن تالاسقان زەيتۇنبۇرنى اۋدانىنداعى كوك تىرەگەن 85 مەترلىك ءۇش عيمارات 45 مەترگە دەيىن قىرقىلادى. تۇركيانىڭ مەملەكەتتىك كەڭەسى وسىنداي شەشىم شىعارعان.  2011 جىلدىڭ قازان ايىندا ىستامبۇل قالاسىنىڭ اكىمدىگى قالانىڭ تاريحي تۇبەگىندەگى عيماراتتىڭ بيىكتىگىنە شەكتەۋ قويعان بولاتىن. مىنە بۇل شەكتەۋدەن شامامەن ەكى ەسە اسىپ كەتكەن عيماراتتار ەندى بەل ورتاسىنا دەيىن قىسقارماق.

سۇلتان احمەت مەشىتى ىستامبۇلداعى تاريحي قۇرىلىستاردىڭ ءبىرى. 1609-1616 جىلدارى اراسىندا وسمانلى پاتشاسى Iاحمەت تاراپىنان سالىنعان. ساۋلەتشىسى سەدەكفەر مەحمەت. مۇنارالارىنىڭ ۇزىندىعى 43 مەتر. بۇل تاريحي كەشەن الەمدىك مۇرا بولىپ سانالادى.

قامشى-اقپارات