21 اقپان كۇنى مۋزەيلەر مەن تۋريستىك مەكەمەلەر ەكسكۋرسوۆودتاردىڭ حالىقارالىق كۇنىن اتاپ وتەدى. بۇل كۇندى ەكسكۋرسوۆودتاردىڭ حالىقارالىق فەدەراسياسى 1990 جىلدان باستاپ رەسمي تۇردە بەكىتكەن بولاتىن. قازىرگى ۋاقىتتا ەلىمىزدە ەكسكۋرسوۆود ماماندارعا سۇرانىس جوعارى ءارى ولاردىڭ قىزمەتى ەرەكشە باعالانادى. وسى اتاۋلى كۇنگە وراي، kazmuseum.kz سايتى قازاقستانداعى ۇزدىك ەكسكۋرسوۆودتاردىڭ ءتىزىمىن ۇسىنادى.

رايحان يماحانبەت. الماتى قالاسىندا ورنالاسقان احمەت بايتۇرسىن ۇلىنىڭ مۋزەي-ۇيىنىڭ مەڭگەرۋشىسى ءارى ەكسكۋرسوۆودى. ۇلت ۇستازىنىڭ مۇرالارىن مۋزەي قوناقتارىنا عانا ەمەس، قوعام اراسىندا كەڭىنەن ناسيحاتتاپ جۇرگەن رايحان يماحانبەتتى كوپشىلىك جاقسى تانيدى. ا.بايتۇرسىن ۇلىنىڭ مۋزەي-ۇيىن ينستيتۋسيونالدىق دارەجەگە دەيىن كوتەرۋدى ماقسات ەتكەن ونىڭ تىلەگىن جۋىردا ۇكىمەت باسشىسىنىڭ ورىنباسارى (ەكس-ۆيسە-پرەمەر) يمانعالي تاسماعامبەتوۆ قابىل الىپ، ۇكىمەتكە ارنايى تاپسىرما بەرگەن بولاتىن.

وكسانا تانسكايا. الماتى قالاسىنداعى ءا.قاستەيەۆ اتىنداعى ونەر مۋزەيىندە 2013 جىلدان بەرى ەكسكۋرسوۆود بولىپ جۇمىس ىستەيدى. حالىقارالىق دەڭگەيدەگى بىرنەشە كورمەگە گيد رەتىندە دە تابىستى قىزمەت ەتىپ ءجۇر. ءا.قاستەيەۆ مۋزەيىنىڭ قوناقتارى وكسانانى مۋزەي مامانى رەتىندە جوعارى باعالايدى. سونداي-اق، وكسانا قازاقستاندىقتارعا ءتۇرلى-تۇستى جۋرنالداردا شىققان ماتەريالدارى مەن تەلەارنالارداعى سۇحباتتارى ارقىلى كەڭىنەن تانىمال.

انەل كەمال. قازاقستان رەسپۋبليكاسى ۇلتتىق مۋزەيىنىڭ ەكسكۋرسوۆود مامانى. مۋزەي قوناقتارىنا قازاق تىلىندە ەكسكۋرسيالىق قىزمەت كورسەتىپ كەلە جاتقان انەل كەمال بۇگىنگى كۇنى الەۋمەتتىك جەلىلەردە دە تانىمال.

داۋلەت قادىروۆ. قازاقستان رەسپۋبليكاسى قورعانىس مينيسترلىگىنىڭ اسكەري-تاريحي مۋزەيىنىڭ ەكسكۋرسوۆود مامانى. ول اسكەري-تاريحي مۋزەيدەگى ەكسكۋرسيالىق قىزمەتىن مەملەكەت باسشىسى نۇرسۇلتان نازاربايەۆقا مۋزەي ەكسپوزيسياسىن تانىستىرۋدان باستاعان بولاتىن. داۋلەت بۇگىنگى كۇنى الەۋمەتتىك جەلىلەر ارقىلى تانىمال ءارى مۋزەي قوناقتارىنىڭ وڭ پىكىرىنە يە بولىپ ۇلگەرگەن جاس ەكسكۋرسوۆود.

قۋانىش تىنىبەك. تەمىرتاۋ قالاسىنداعى ق ر تۇڭعىش پرەزيدەنتى مادەني ورتالىعىنىڭ ەكسكۋرسوۆود مامانى. تەمىرتاۋعا بارعان قوناقتار پرەزيدەنتتىڭ مادەني ورتالىعىنا مىندەتتى تۇردە باس سۇعادى. قۋانىش تىنىبەكتىڭ جۇرگىزگەن ەكسكۋرسياسىن ەرەكشە ىنتامەن تىڭداپ، ەرەكشە اسەر العاندىقتارىن ايتادى.

ايدانا جانبوسىنوۆا. قازىرگى ۋاقىتتا جەزقازعان تاريحي-ارحەولوگيالىق مۋزەيىندە ەكسكۋرسوۆود بولىپ جۇمىس ىستەيدى. ايدانا قالاداعى مۋزەيگە عانا ەمەس، ۇلىتاۋ-جەزقازعان ءوڭىرىنىڭ تاريحي-مادەني ەسكەرتكىشتەرىنە دە ەكسكۋرسيا جۇرگىزەدى. مۋزەيدەگى «جاس ارحەولوگ» ۇيىرمەسىنە جەتەكشىلىك ەتەدى.

گۇلميرا ارىستانبايەۆا. وتىرار قورىق-مۋزەيىندە ەكسكۋرسوۆود بولىپ قىزمەت ەتىپ كەلە جاتقانىنا 10 جىلعا جۋىقتادى. مۋزەيدەگى ەكسكۋرسيامەن عانا شەكتەلمەي، وڭتۇستىك قازاقستان وبلىسىنداعى كوللەدجدەر مەن كاسىپتىك وقۋ ورىندارىندا مۋزەي سالاسى بويىنشا تاقىرىپتىق دارىستەر وقىپ تۇرادى. گۇلميرانىڭ وزگە ارىپتەستەرىنەن ەرەكشەلىگى – ول ءۇش تىلدە ەركىن ەكسكۋرسيا جاساي الادى.

التىن ورىنبايەۆا. الماتى قالاسىندا جاڭادان اشىلعان قالا تاريحى مۋزەيىنىڭ العاشقى ەكسكۋرسوۆودى التىن دەسەك تە بولادى. مۋزەيدىڭ اشىلۋىنا كەلگەن مەملەكەت باسشىسى نۇرسۇلتان نازاربايەۆتىڭ ءوزى باتا بەرىپ، جۇمىسىنا ساتتىلىك تىلەگەن. ارحەولوگيا جانە ەتنولوگيا ماماندىعى مەن ونەر تاريحى ماماندىقتارى بويىنشا ءبىلىم العان التىن عىلىمي جۇمىستارمەن دە شۇعىلدانادى.

اسەل امارعازييەۆا. ەسىك مادەني-تاريحي قورىق-مۋزەيىنىڭ عىلىمي قىزمەتكەرى، ەكسكۋرسوۆودى. ارىپتەستەرى اسەلدى مۋزەي ءىسى شىعارماشىلىعىنا بەرىلگەن مامان دەپ سانايدى. ول قۇراستىرعان ارنايى نۇسقاۋلىقتار مەن ادىستەمەلىك قاجەتتى قۇرالدار مۋزەي قوناقتارىنىڭ كوڭىلىنەن شىعىپ ءجۇر. ەسىك قورىق-مۋزەيىنە جولى تۇسكەندەر اسەلدىڭ ەكسكۋرسياسىنان زور اسەر العاندىقتارىن ءجيى ايتادى.

 KAZMUSEUM.KZ بارلىق ەكسكۋرسوۆودتاردى مەرەكەلەرىمەن شىن جۇرەكتەن قۇتتىقتاپ، شىعارماشىلىق تابىس جانە وسىپ-وركەندەۋ تىلەيدى!

مۋزەي ماماندارىن ادىستەمەلىك-اقپاراتتىق تۇرعىدان قولداۋعا ارنالعان «KAZMUSEUM.KZ» قورى اتىنان  جوعارىدا اتالعان ەكسكۋرسوۆود-ماماندارعا ارنايى سەرتيفيكاتىن پوشتا ارقىلى جۋىردا جولدايتىن بولادى.