كەشەلى بەرى الەۋمەتتىك جەلىلەردە ءبىر وڭباعان سۋرەت ەلدىڭ شىرقىن بۇزىپ، ءبارى بۇلقان-تالقان بولىپ وتىر ەكەن. وعان نەمەنەگە تاڭ قالاسىڭدار نەمەنەگە اشۋلاناسىڭدار؟ دىنسىزدىك جايلاعان جەر سونداي بولادى. انشىلەر شىعىپ ويباي اق-كوك دەپ جاتىر كۇلكىنى كەلتىرىپ. اۋ، كوكەلەرىم-اۋ كەرەمەت بولساڭدار مىنە، استانانىڭ ىرگەسىندە الجير مۇراجايى ورنالاسقان جەردە مەشىت جوق. جوق ەمەس بار ءبىراق سيقى مىناۋ.

ال مۇراجايدىڭ ءدال قاسىندا پروۆاسلاۆ عيباداتحاناسى، ونىڭ ار جاعىندا كاتوليك شىركەۋى جارقىراپ تۇر. تەك بۋددانىڭ حرامى جەتىسپەيدى. كەرەمەت تولەرانتتىمىز عوي. پروۆاسلاۆ عيباداتحاناسىنىڭ جانىندا مەشىتكە دەپ بەرىلگەن جەر بار، سەنەسىزدەر مە، سول جەرگە مەشىت سالۋعا دەمەۋشى تاپپاعانىمىزعا ءبىز كەلگەلى 2 جىل بولسا، ونىڭ الدى ءۇش جىل، قوسىڭىز 5 جىل. جاڭا مەشىتتەن ءۇمىت ۇزگەننەن كەيىن، «قوي، بار مەشىتىمىزدى جاساپ الايىق» دەپ جاماعاتتىڭ 5-6 جىگىتى ىسكە كىرىسكەن. بۇل مەشىت دەپ وتىرعانىمىز بۇرىن قويما، ودان كىتاپحانا بولعان، قۇلايىن دەپ تۇرعان ەسكى ءۇي.  سۋرەتتەن دە كورىنىپ تۇر عوي نەسىن ايتىپ جاتايىن. سۋى دا جوق كاناليزاسيا تۇگىلى. ال بۇل جاقتىڭ قىسى قانداي ەكەنى بەلگىلى. جىگىتتەر اق تەر كوك تەر بولىپ سۋ تارتىپ كىرگىزدى. ەندى شاتىرى، تۋالەتى، اريستونى، كافەل، قوسىمشا تۋالەتكە ارنالعان قۇرىلىسى بار، سوندا كىرپىشى، قاقپاسى ، اۋلاسىن جاساۋعا قاراجات كەرەك. قاراجاتتى ءالھامدۋليللا ءبىراز ادام بەردى، 365 مىڭ جينالدى. (ءبىر كىسى 200 مىڭ بەرەم دەگەن سونى قوسىپ ايتىپ وتىرمىن. ءالى قولىمىزعا تيگەن جوق.) ال ەندى ويلاڭىز بۇل اقشا قاي جىرتىقتى جاماۋعا جەتەدى. الاش ازاماتتارىنىڭ قانى توگىلىپ، ۇرپاعىنىڭ سۇيەگى شاشىلىپ قالعان جەرگە دۇرىس مەشىت سالا الماۋىمىز ەلدىگىمىزگە سىن ەمەس پە؟!

ءبىراز اعايىننان كوڭىل دە قالىپ وتىر شىنىمدى ايتسام. ءوزىمىزدىڭ قازاق جىگىتتەرى بەنزينىمدى قۇيىپ بەر اناۋ-مىناۋ دەپ بۇلدانعاندا، ورىستىڭ جىگىتتەرى كەلىپ ءلام-ميم دەمەي ءبىر تيىن سۇراماي سۋ جۇيەسىن رەتتەپ بەردى. سويلەي بەرسە ءسوز كوپ...

ءار كىم جىلى كرەسلوعا وتىرىپ الىپ اناۋ-مىناۋ دەپ لەپىرمەي ىسكە كوشۋ كەرەك شىعار. توقسان اۋىز ءسوزدىڭ توبىقتاي ءتۇيىنى قىس تۇسپەي وسى ەسكى مەشىت تەزىرەك ويماقتاي بولسىن دەسەڭىزدەر قاراجات جيناۋعا كومەكتەسىڭىزدەر. جۇمىسشىلاردىڭ ەڭبەكتەرى دە بار . جاماعاتتىڭ ءوزى دە تاڭ نامازىنان كەيىن، ەكىنتىدەن كەيىن قولدارى قالت ەتكەندە جابىلىپ جاتىر. ءبىراق ارالارىندا ساۋاتتى سىلاقشى، تاس قالاۋشى جوق. ونداي جۇمىسشىلارعا حابارلاسىپ ەدىك ناماز وقيدى عوي دەپ ەڭبەك اقىسى 150 مىڭ تەڭگە دەدى. قولدارىڭىزدان سىلاق جاساۋ، تاس قالاۋ كەلسە دە مارحاات.

مايرا بەيسەكەنوۆا. Facebook-تەگى پاراقشاسىنان.