«شەتەلدىكتەردىڭ الماتىعا دەگەن كوزقاراسىن نيگەريالىق Rich D ەسىمدى جىگىت ءوز انىنە سىيدىرا ءبىلدى»، - دەپ جازدى Baq.kz  افريكالىق قوناق قازاق قالاسىنىڭ سۇلۋلىعى جايىندا بەينەكليپ ءتۇسىرىپ، اۋەلەتىپ ءان دە سالعان. ءتىپتى اراسىندا دومبىرانى دا قاعىپ قويادى.

Rich D ءوزىنىڭ الماتىعا دەگەن ماحابباتىن قالا تابيعاتىنىڭ اسەمدىگىمەن، حالقىنىڭ قوناقجايلىعىمەن تۇسىندىرگەن ەكەن. جاستايىنان ولەڭ ايتىپ، انشىلىكتى كاسىپ ەتكەن جىگىت العاشىندا نيگەرياداعى شىركەۋدە ءان ايتىپتى. كەيىن قازاقستانعا وقۋعا كەلىپ، تۇنگى كلۋبتاردا DJ قىزمەتىن اتقارعان، ءارى ءوزىنىڭ جاڭا ولەڭدەرىن جازا باستاپتى. اراسىندا بىرنەشە جىلعا اقش-قا كەتكەن ول ساز مەكتەبىندە بىلىكتىلىگىن جەتىلدىرگەن. بيىل الماتىعا قايتا ورالعان ءانشى شىعارماشىلىعىن وسىندا جالعاستىرۋدى ءجون كورىپتى. Rich D  بۇگىندە 10 ءاننىڭ اۆتورى. ولەڭدەرىن ول اعىلشىن، ورىس جانە قازاق تىلدەرىندە جازادى ەكەن. اعىلشىن مەن ورىس تىلدەرىن ەركىن مەڭگەرگەن افريكالىق جىگىت ءقازىر قازاقشانى دا تىڭعىلىقتى ۇيرەنۋگە بەل بۋىپتى. قازاق ەلىن وزگە ەلدەن كەلگەندەردىڭ انگە قوسۋى قازاقستاننىڭ شەتەلگە تانىلا بەرۋى ءۇشىن جاقسى ناسيحات. نيگەريالىق جىگىتكە قازاق ەلىنە ارناعان اندەر قاتارى مولايا بەرسىن دەپ تىلەك بىلدىرەمىز.