وڭتۇستىك قازاقستان وبلىسىنىڭ قارامۇرت اۋىلىنداعى جاپپاي توبەلەستى كورشى اۋىلدان كەلگەندەر باستاعان. وسىنداي اقپاراتتى kaz.gazeta.kz سايتى سايرام اۋدانىنىڭ اكىمى ءۋاليحان قاينازاروۆقا سىلتەمە جاساپ تاراتتى.  اكىمنىڭ ايتۋىنشا ەكى كۇن بۇرىن كورشى اۋىلدان (تولەبي اۋدانىنىڭ ماداني اۋىلىنان) كەلگەن ەكى بالا دۇكەنشىمەن سوزگە كەلىپ قالىپ، اراعا ەكى كۇن سالىپ قايتا كەلىپ توبەلەس شىعارعان.  ولار قۇرى كەلمەي كورشى اۋىلدان كەلگەن 50 شاقتى جاس جىگىتتى ەرتە  كەلىپ بەس-ون مينۋت ىشىندە 17 كولىك پەن 8 ساۋدا نۇكتەسىنىڭ كۇلىن كوككە ۇشىرىپتى.

اتالعان جايتكە بايلانىستى اكىم قاينازاروۆ بىلاي دەگەن: «مەن ماداني اۋىلىنا بارىپ قايتتىم. اۋىل اقساقالدارىمەن سويلەسىپ، جاعدايدى ءتۇسىندىردىم. بۇگىن ولار جينالىپ، اقىلداسادى. ەرتەڭ تاڭعى ساعات وندا اۋىل  ادامدارى قارامۇرت اكىمدىگىنە كەلىپ، جەرگىلىكتى حالىقپەن كەزدەسەدى»

ءقازىر اتالعان وقيعاعا قاتىسى بار دەگەن كۇدىكپەن بەس ادام ۇستالىپ، تەرگەۋ امالدارى جۇمىستارى باستالعان.

قامشى-اقپارات