ناتو شىعىس ەۋروپادا بەس جاڭا اسكەري بازا اشۋدى جوسپارلادى. بۇل تۋرالى Tengrinews.kz جازدى. اقپاراتقا ساي، ناتو جاڭا بازالاردا شۇعىل ارەكەت ەتەتىن اسكەري قۇرامداعى 4000 ادامدى ورنالاستىرادى. مۇنداي ارەكەت ارقىلى ناتو ءوز مۇشەلىگىندەگى ەلدەردى رەسەيدەن كەلەتىن قاۋىپتەن ساقتاۋدى قاراستىرادى.  جۋىردا عانا ناتو-نىڭ باس حاتشىسى  اندەرس فوگ راسمۋسسەن اليانستىڭ شىعىس ەۋروپادا جاڭا بازا اشۋدى جوسپارلاپ وتىرعانىن مالىمدەگەن بولاتىن. سونداي-اق ۋكرايناداعى جاعدايعا بايلانىستى قورعانىستى كۇشەيتۋ ءۇشىن ناتو-عا مۇشە جەتى ەلدىڭ جاڭا شۇعىل ارەكەت ەتۋ كۇشتەرىن قۇرعالى وتىرعانى دا حابارلانعان، بۇعان دانيا، لاتۆيا، ەستونيا، ليتۆا، نورۆەگيا جانە نيدەرلاندى دا قاتىسادى. سونىمەن قاتار جاڭا بىرلەستىككە كىرۋگە كانادا دا قىزىعۋشىلىق بىلدىرگەن. ناتو-نىڭ باستى ماقساتى - بىرلەسكەن ەكسپەديسيالىق، شۇعىل ارەكەت ەتەتىن جانە  ءجيى وقۋ-جاتتىعۋ جۇمىستارىن وتكىزەتىن جاڭا كۇش قۇرۋ. وداققا كىرەتىن اسكەريلەردىڭ سانى 10 مىڭنان اسۋى مۇمكىن.

ال رەسەي ناتو-نىڭ جاڭا اسكەري وداق قۇرۋى ەۋرواتلانتيكالىق تۇراقتىلىقتىلىققا زارداپ تيگىزەتىن ايتىپ، ءوزىڭنىڭ قاۋىپسىزدىگىن قامتاماسىز ەتۋ ماقساتىندا ناتو-نىڭ شىعىستاعى ارەكەتى ءۇشىن جاۋاپ قايتارادى دەپ ۋادە بەردى. بۇل تۋرالى رەسەيدىڭ قورعانىس ءمينيسترى سەرگەي شويگۋ ءوزىنىڭ امەريكالىق ارىپتەسى چاك حەيگەلمەن اڭگىمە بارىسىندا ايتقان.

قامشى-اقپارات