سوڭعى 10 جىلدا تمد اۋماعىندا اقپاراتتىق سوعىس توقتاعان ەمەس. ءبىر تاڭ قالارلىعى، قازاقستان ۇكىمەتى سونىڭ ءبارىن كورە تۇرا، حالىقارالىق دەڭگەيدە اقپارات تاراتاتىن وتاندىق نە تەلەارنا، نە اگەنتتىك نە سايت اشپادى (شەت ەلدىكتەرگە ورىسشا سيۋجەت كورسەتەتىن Kazakh TV جايلى مولچۋ)
ۋكرايناداعى جاعدايمەن كرەمل اقپاراتتىق قۇرال ارقىلى ميلليونداردى جوق جەردەن اقىماق تا، پارتيوت تا قىلۋعا بولاتىنىن دالەلدەدى. قازاقستاننىڭ حالىقارالىق اقپاراتتىق اعىنىندا ۇتىلىپ جاتقانىن پرەزيدەنتتىڭ ۇلىتاۋداعى سۇحباتى تاعى ءبىر ايقىندادى. نيەت ىزگى بولعانىمەن، ناتيجە باسقالاي بولدى:
- بۇل سۇحبات قازاقتارعا ارنالدى، سۇحباتتىڭ ءمانى "قازاقتار، بار ماسەلەلەرىڭدى بىلەم، ءبىراق جاعداي كۇردەلى، امال جوق، وسىلاي ىستەۋگە ءماجۇربىز" ەدى. ونى قازاقتار تۇسىنگەندەي بولدى.
- دەگەنمەن ورىس ءتىلدى سايتتار تەك "قازاق ءتىلىن تالاپ ەتە بەرسەك، ءبىزدىڭ ەلدە دە ۋكرايناداعى جاعداي ورىن الۋى مۇمكىن" دەگەن ويدى عانا كەسىپ الىپ، بارىنشا اينالدىردى. بۇل ورىستاردىڭ "پرەزيدەنتتەرىڭ سولاي دەپ جاتىر، ەندى تىنىش وتىرىڭدار" دەگەنى ەدى. الايدا ەلباسىنىڭ ول ويى سۇحباتتا ماڭىزدىلىعى جاعىنان 10 نە 11ء-شى سياقتى كورىندى ماعان
- رەسەيلىك سايتتار "قازاقستان ەۋرازيالىق وداقتان شىعۋى مۇمكىن نە شىققالى جاتىر" دەگەن تاقىرىپتى بادىرايتىپ تاراتتى. پرەزيدەنت بۇل جەردە تەك ءۇش ەلدىڭ اراسىنداعى كەلىسىمنىڭ ءبىر پۋنكتىن عانا اتاپ ءوتتى. ياعني، تاۋەلسىزدىككە ءقاۋىپ تونسە ۇيىمنان ابدەن شىعىپ كەتە الامىز دەدى. دەگەنمەن، بۇل سوزدەر استانادا رەسمي ورگان، پرەزيدەنت تاراپىنان مامىر ايىندا بىرنەشە رەت ايتىلدى. سول كەزدە ەشكىم ەستىمەي قالىپ، ءقازىر رەسەيلىكتەردىڭ قازاقشا ءتۇسىنىپ، وسى ويدى قايتا-قايتا جاريالانۋى كىمگە كەرەك؟
- ەڭ وكىنىشتىسى، كەيبىر قازاقستاندىق سايتتار ەش ويلانباستان نەمەسە ادەيى سول رەيسەيلىكتەردىڭ ماقالاسىن وزگەلەردەن كەشىگىپ قالماس ءۇشىن اينا-قاتەسىز كوشىرىپ باسىپ بەرىپ جاتتى. سول كەزدە ولار كرەملدىڭ تەگىن كومەكشىسى بولىپ جاتقانىن ءبىلدى مە ەكەن؟
-قىسقاسى، قازاقستان ۇكىمەتى اقپارات الاڭىندا ودان ءارى ۇتىلعىسى كەلمەسە، بىزگە شابۋىلدار، اكسيالار جاسالعاندا ءوز دەڭگەيىندە جاۋاپ بەرگىسى كەلسە، وندا شىنايى ءىرى حالىقارالىق ب ا ق كەرەك. ونىڭ ورىس، يسپان، جۇڭگو، اعىلشىن تىلدەرىندە جۇمىس ىستەۋى مىندەتتى. ونىڭ اقپاراتتى قازاقستاندىق كوزقاراسپەن جازاتىن كەمىندە 10-15 مەملەكەتتە وزىندىك ءتىلشىسى بولۋى مىندەتتى! ايتپەسە، سول كۇيى ۇتىلعانىمىز ۇتىلعان، "پەرۆىي كانالعا" سەنگەنىمىز سەنگەن.
P.S.
1.رەسەي-گرۋزيا قاقتىعىسىنان سوڭ 2009ج ديپلومدىق تاقىرىبىم رەتىندە قازاقستاننىڭ اقپاراتتىق قاۋىپسىزدىگىن العان ەدىم، ماڭىزدىلىعى ەندى جويىلماس دەپ
2،سول جۇمىستا شابۋىلداردان قورعانۋ ءۇشىن ەڭ بولماعاندا ايماقتىق ءىرى اقپاراتتىق اگەنتتىك قۇرۋدى ۇسىنعام (ەگەر شىعىنى كوپ بولسا، حوتيا بى ورتا ازياعا تارايتىن)
3.سول جۇمىسىمدى بىرەۋ پىسقىرىپ، وزىمنەن باسقا پەندە (بيلىگى مەن ميى بار) وقىعاندا، قازىرگى اقپاراتتىق جاعداي مۇلدەم باسقا بولار ما ەدى : - )))))))) سول 60 بەتتى عىلىمي جەتەكشىم دە وقىماعانىنا سەنىمدىمىن )))
نۇرمۇحاممەد بايعارا. (Facebook-تەگى پاراقشاسىنان.)
