ۇلىبريتانيا بيلىگى يراك پەن سيريا جەرىندە سوعىسىپ جۇرگەن جيھادشى بريتاندىقتاردى ۋاقىتشا ەلگە كىرگىزۋگە تىيىم سالۋى مۇمكىن، بۇل تۋرالى قازاقپارات جارزدى.
مالىمەتتەر بويىنشا، تەررورلىق اكتكە قاتىسى بار دەگەن كۇدىككە ىلىنگەندەردى بريتان ازاماتتىعىنان ايىرمايدى. الايدا، بيلىك شەكاراشىلارعا يراك نە سيريا ەلىنە ول جاقتاعى لاڭكەستىك توپتارعا قوسىلۋ نيەتىمەن اتتانعالى تۇرعان ەكسترەميستىك نيەتتەگى ازاماتتاردىڭ ءتولقۇجاتىن الىپ قويۋعا قۇقىق بەرمەك.
ەستەرىڭىزگە سالا كەتسەك بىلتىرعى جىلدىڭ كۇزىندە جانە بيىل كوكتەمدە سيريا جەرىندە سوعىسىپ جۇرگەن قازاقتاردىڭ ۆيدەوسى ينتەرنەتتە تارالدى. قوعام تاراپىنان ۇزدىكسىز دابىل قاعىلىپ جاتسا دا قازاقستاننىڭ قۇزىرلى ورىندارى سوعىستا جۇرگەن قازاقتاردىڭ ناقتى سانى قانشا ەكەنىن انىقتاي الماۋدا ءارى ازاماتتاردىڭ جالعاستى شەكارا اسىپ كەتپەۋىن قاداعالاي الماي وتىر.
قامشى-اقپارات
