قىتايدىڭ ەڭ ۇلكەن «تىڭ شۋن» سايتىندا جاريالانعان بۇل ماقالا «شىڭجاڭنىڭ «چيە مو» اۋدانىندا از ۇلتتار مەن قىتايلار ۇيلەنسە جىلىنا 10 مىڭ يۋان سىيلىق بەرىلەدى» دەپ اتالىپتى. ءبىز ماقالانىڭ ىقشامدالعان نۇسقاسىن ۇسىنىپ وتىرمىز.

«ءار ۇلتتىڭ تىلىندە، دىنىندە ۇقساماستىقتار بولعانىمەن، ءبىر اسپاننىڭ استىندا، ءبىر توپىراقتا جاساپ جاتقاندىقتان ادامدار اراسىندا ماحاببات سەزىمى تۋىندايتىندىعى ءسوزسىز. از ۇلتتار مەن جۇڭگو ۇلتىنىڭ ۇيلەنۋى جۇڭگو مادەنيەتىن ءتىپتى دە دامىتىپ، ۇلتتار مەن ۇلتتار اراسىنداعى بىر-بىرىنە تۇسىنىستىكتى، بىر-بىرىنە قۇرمەتتى، ىنتىماقتاستىقتى ارتتىرادى. سول ارقىلى بىر-بىرىنەن ۇيرەنىپ، باياندى دامۋعا قول جەتكىزەدى.

25 تامىزدا «چەمو» اۋدانىنىڭ «جەنكۋل» اۋىلىنىڭ باسشىسى ياسىن ناسىر

از ۇلتتار مەن قىتايلاردان قۇرالعان وتباسىنا مەملەكەت تاراپىنان سىياقى بەرىلۋى كەرەك دەگەن باستاما كوتەردى.

ناقتى ايتساق، ارالاس نەكەدەن تۋىلعان بالالار جۇڭگو مەملەكەتىنىڭ بارلىق قامقورلىعىنان يگىلىكتەنىپ، الەۋمەتتىك جاعدايى بويىنشا تۇگەلدەي قاماتاماسىز ەتىلەدى. ايتالىق، مەكتەپتى تەگىن وقۋ عانا ەمەس قارجىلاي سىيلىققا(3000 يۋان) يە بولادى. ال ۋنيۆەرسيتەتكە وقۋعا تۇسسە جىلىنا 5000 يۋاننان جوعارى سىياقىعا قول جەتكىزە الادى. نەكەلەنگەن وتباسى مەملەكەت تاراپىنان 5 جىل بويى جىلىنا 10 مىڭ يۋاننان قارجىلاي كومەك الادى. سونداي-اق، وتباسى مۇشەلەرىنىڭ ءبىلىم دەڭگەيىنە قاراي ءارتۇرلى قىزمەتكە ورنالاستىرىلادى. تەگىن مەديسينالىق قىزمەت كورسەتىلىپ، 3 جىلدان ارى تۇراقتى نەكەدە تۇرۋشىلارعا تۇرعىن ءۇي بەرىلەدى».

ايتپاقشى، بۇل جەڭىلدىكتەر نەگىزىنەن مۇسىلماندارعا تيگەن جۇڭگو قىزدارىنىڭ وتباسىنا جاسالادى ەكەن...