كالاچيدە كەسەل قايتا ءورشىپ جاتىر. سەبەبى بەلگىسىز ۇيقى اۋرۋىمەن تانىلعان اقمولا وبلىسىنداعى بۇل ەلدى مەكەندە تاعى 8 ادام قالىڭ ۇيقىعا كەتكەن. ونىڭ ۇشەۋى – وقۋشى ەكەن. بۇل تۋرالى Bnews.kz  كتك تەلەارناسىنا سىلتەمە جاساپ حابارلادى.

جەرگىلىكتى تۇرعىنداردىڭ ايتۋىنشا، بالالار العاشقى قوڭىراۋ مەرەكەسىنەن سوڭ ۇيلەرىنە قايتىپ بارا جاتقاندا جارتى جولدا تالىپ قالىپتى. تابان استى ۇيقى قىسقان جاسوسپىرىمدەردى كوشەدە جاتقان جەرىنەن ءوز سىنىپتاستارى تاۋىپ العان. ءقازىر بالالاردىڭ بارلىعى اۋرۋحانادا. پالاتالاردا ۇيىقتاپ جاتىر. وتكەن اپتادا كالاچي اۋىلىنىڭ 5 ەرەسەك تۇرعىنى دا ءدال وسىلاي ەسىنەن تانىپ قۇلاعان كورىنەدى. وسىلايشا بەلگىسىز سىرقات كالاچيلىقتاردىڭ ءالى دە ەسىن جيعىزار ەمەس. بىلتىر ناۋرىزدان باستالعان ۇيقىشىلدىق دەرتتەن اۋىلدىڭ 50-دەن استام تۇرعىنى اياقتان قۇلاعان. ال ماماندار سىرقاتتىڭ ناقتى سەبەبىن ءالى كۇنگە انىقتاي الماي وتىر. 

قامشى-اقپارات