شاقاباي ەسەنتاي ۇلى 1688 جىلى تۋىپ، 1778 جىلى 90 جاسىندا، شىعىس قازاقستان وبىلىسى تارباعاتاي اۋدانىندا دۇنيە سالعان.  باتىردىڭ ءقابىرى تارباعاتاي 0تاۋىنىڭ سولتۇستىك  ەتەگى، دونداعۇل تاۋىمەن، شاقاباي قىزىل تاۋى ارالىعىنداعى ەلەكەڭ سازى دەپ  اتالاتىن بايىرعى اتا مەكەنىندە، تەسىپ اققان باستاۋى باسىندا جاتىر. باتىردىڭ تۋعان جەرى - ءبىر دەرەكتەردە قىزىلوردا وبلىسىنداعى  سىرداريا بويى دەلىنسە، ەندى ءبىر ايتىلۋدا تارباعاتاي ءوڭىرى دەلىنەدى.

شاقاباي ەسەنتاي ۇلى تۋرالى ۆيدەو

ەر جانىبەكتەي جولبارىس جۇرەكتى ۇلانداردى قىلىشتاسۋ جانە نايزاگەرلىك ونەرمەن جەتىلدىرگەن، ەگەي ەڭبەكتىڭ ارقاسىندا تالاي سوعىستىڭ جەڭىس تۋىن اسپانعا جەلبىرەتكەن شاقاباي ەسىمى - اباق كەرەي ىشىندەگى جانتەكەي رۋىنا ۇران بولعان. باتىردىڭ ۇرپاقتارى دا ءوز زاماندارىندا حالىق بوستاندىعىن جوقتاپ ءوتتى. ءىزعۇتتى جانبالا ۇلى، حاليفا التاي، قاقىپ ۇلى نۇرعوجاي باتىر، دالەلحان جانىمقان ۇلى، مۇسا تۇرعىنباي ۇلى، ىرىسقان نوعايباي ۇلى سىندى ەل نامىسىن كوتەرگەن زاماتتار انە سولاردىڭ ءبىرى ەدى.

90 جىل عۇمىر كەشكەن باتىردىڭ ارتىندا ونىڭ ەرلىكتەرى مەن دانالىقتارى تۋرالى اڭىز كوپ. ءبىز ۇرپاقتىڭ ۇلاعاتى مەن ۇلتىنا قىزمەتى باتىر بابالار ەرلىگىنە ساي بولسا ەكەن دەيمىز.

نۇرباقىت اتان ۇلى