سوڭعى الەۋمەتتىك ساۋالناما شوتلانديا تاۋەلسىزدىگىن جاقتايتىنداردىڭ سانى العاش رەت قارسىلاستارىنان باسىم تۇسكەنىن كورسەتتى، بۇل تۋرالى قازاقپارات حابارلادى.

شوتلانديا تۇرعىندارىنىڭ 51 پايىزى ۇلىبريتانيادان ءبولىنۋ ءۇشىن داۋىس بەرۋگە دايىن ەكەنىن بىلدىرگەن. ال بۇدان ءبىر اي بۇرىن عانا بولىنبەي، ءبىر مەملەكەتتە قالۋدى قالايتىندار قاتارى 22 پايىزعا ارتىق بولاتىن. ساراپشىلاردىڭ پىكىرىنشە، تاۋەلسىزدىك جاقتاستارى جاستاردىڭ ارقاسىندا كوبەيگەن. ويتكەنى دەربەستىككە يە بولسا، كونستيتۋسيادا تەگىن جوعارى ءبىلىم الۋ قۇقىعىن بەكىتۋ ۋادە ەتىلگەن. شوتلانديانىڭ تاۋەلسىزدىگى جونىندەگى رەفەرەندۋم 18 قىركۇيەكتە ءوتۋى ءتيىس. ەگەر حالىقتىڭ كوپشىلىگى ۇلىبريتانيا قۇرامىنان شىعۋعا داۋىس بەرسە، شوتلانديا 300 جىلعا ۇلاسقان انگليامەن وداقتاستىق اياسىنان شىعىپ، تاۋەلسىز مەملەكەتكە اينالۋى مۇمكىن.

شوتلانديا (اعىلش. ' جانە سكوتس. Scotland، ۇلگى:Lang-gd) – ۇلىبريتانياداعى تاريحي ايماق. 17 عاسىردىڭ ورتاسىنا دەيىن تاۋەلسىز مەملەكەت بولدى. ۇلىبريتانيا ارالىنىڭ سولتۇستىك بولىگىنەن جانە وعان جاناسىپ جاتقان ۇساق ارالداردان، سونداي-اق گەبريد، وركنەي جانە شوتلاند ارالدارىنان قۇرالادى. جەر اۋماعى 78،8 مىڭ كm². حالقى 6 ملن-نان استام، نەگىزىنەن شوتلاندىقتار. اكىمشىلىك-اۋماقتىق جاعىنان 12 وبلىس پەن 186 ارالدان تۇرادى. اكىمشىلىك ورتالىعى – ەدينبۋرگ قالاسى مەملەكەتتىك ءتىلى – اعىلشىن ءتىلى. دىنگە سەنۋشىلەردىڭ دەنى پرەسۆيتەريان شىركەۋىنە جاتادى. (دەرەككوز: قازاقشا ۋيكيپەديا)

قامشى-اقپارات