قۇراما شتاتتاردا سيليكون القابى دەگەن بار. ەلدىڭ عانا ەمەس، الەمنىڭ كەرەمەت تەحنولوگيالىق جاڭالىقتارى جاسالاتىن جەر. ءسۇتتىڭ بەتىندەگى قايماقتارى جينالعان عىلىمي ورتا. سونداعى مەكتەپتەردە ...كومپيۋتەر اتاۋلى اتىمەن جوق. تاقتا مەن بور. اعاش پارتا مەن تاۋ-تاۋ كىتاپتار تۇراتىن سورەلەر عانا بار. وقۋشىلار ۇيالى تەلەفون مەن پلانشەت، ايفون مەن ايپاد ۇستامايدى. داپتەر مەن قالام، ءتۇرلى-تۇستى قارىنداش پەن سۋرەت شيمايلاعىش قاتتى قاعاز اكەلەدى. ايتپاقشى، ينە مەن تۇيمە، سازبالشىق پەن تاسبۇرشاقتى ارنايى الدىرتادى. ءبىر كومپيۋتەرسىز، ءتىپتى ءبىر ەكرانسىز مەكتەپتىڭ مۇعالىمدەرى ونداي گادجەتتەردى وقۋشىلاردىڭ ۇيدە دە قولدانباۋىن ءجون سانايدى ەكەن. كالكۋلياتور اتىمەن جوق. ەڭ قيىن كوبەيتۋ مەن ءبولۋدى وقۋشىلار قاعاز بەن تاقتاعا شىعارۋعا مىندەتتى. ءبىر عاجابى: وسىنداي ءتارتىپ سيليكون القابىندا عىلىمي زەرتتەۋلەر جاسايتىن قۇلاما اتا-انالاردىڭ تالابى بويىنشا قالىپتاسقان. وسىنى ەستىگەندە... ءىشىپ وتىرعان شايىمىزگە قاقالا جازدادىق. ءبىزدىڭ جىلدا اۋىسىپ جاتاتىن مينيسترلەرىمىز "پالەن مەكتەپتى كومپيۋتەرلەندىرىپ تاستادىق" تاڭدايلارىن تاقىلداتۋعا شەبەر-اق. بەكەر مە دەيمىز. ءوز باسىمىز كوبەيتۋ مەن ءبولۋدى ءالى كۇنگە قاعازعا جازىپ شىعارامىز. ءبىلىم بەرۋ جاعىنان اقش-تىڭ سيليكون القابىنىڭ مەكتەبىمەن دەڭگەيلەس "التىن ۇيالار" ساقتالسىن دەسە، ءبىزدىڭ مينيسترلىك ءالى كومپيۋتەرلەنبەگەن اۋىل مەكتەپتەرىنىڭ مازاسىن الماي-اق قويسا.

قاينار ولجاي. (Facebook-تەگى پاراقشاسىنان) 9 قىركۇيەك 2014 جىل.