XVIII عاسىرداعى قازاق باتىرلارىنىڭ ءبىرى، ەر جانىبەك بەرداۋلەت ۇلىنىڭ 300 جىلدىعىنا ارنالعان توي ەندى موڭعوليا جەرىندە جالعاسپاق. ەسىمى اباق كەرەيدىڭ ۇرانىنا اينالعان، ابىلايدىڭ وڭ تىزەسىنەن ورىن العان باتىر، شەشەن جانىبەك باتىردىڭ قۇرمەتىنە ارنالعان حالىقارالىق جيىن-تويلار كوكتەم ايلارىندا  باستالعان بولاتىن. باتىردىڭ ەسىمى بۇعان دەيىن قازاقستانمەن قاتار، قىتايدا، تۇركيادا ۇلىقتالدى. ولكە جەرىندە وتەتىن تويعا الماتى قالاسىنان «ەر جانىبەك» قوعامدىق قورىنىڭ ۆيسە-پرەزيدەنتى جەڭىس تۇركيا باستاعان ءبىر توپ ازاماتتار، جۋرناليستەر اتتاندى. ولاردىڭ جول تارتقان كولىك كەرۋەنى وسكەمەن، رۋسوۆسك، بارناۋل، بييسك، تاشانت ارقىلى بايان ولگەي جەرىنە جەتپەك. موڭعوليا جەرىندەگى،  ەر جانىبەك باتىرعا ارنالعان مەرەكەلىك ءىس-شارالار 12-14 قىركۇيەك كۇندەرى وتپەك. ءوتۋ ءورنى ولگەي قالاسى، سارى كول جايلاۋى.

ەستەرىڭىزدە بولسا، جانىبەك باتىردىڭ قۇرمەتىنە ماۋسىم ايىندا استانا قالاسىندا كولەمدى حالىقارالىق ايتىس جانە عىلىمي كونفەرەنسيا، سونداي-اق شىعىس قازاقستان وبلىسى، جارما اۋدانى، قالباتاۋدا الامان اس ءوتتى. قامشى پورتالى وسىعان بايلانىستى استىڭ اماناتى اتتى ماقالا جاريالاعان بولاتىن. ءبىز بابا ەسىمىن ۇلىقتاپ، باتىرىن ارداقتاعان حالىقتىڭ باتىر ۇلدارى كوپ بولسىن دەيمىز.