ءار ۇلتتىڭ ومىرىندە، سالتىندا، داستۇرىندە وزىنە ءتان ەرەكشەلىكتەرى بولاتىنى انىق. جانە ءار ەلدىڭ سالت-داستۇرلەرى بىر-بىرىنە وعاش كورىنۋى مۇمكىن. سونداي سالتتارىمەن حالىقتىڭ جاعاسىن ۇستاتىپ كەلە جاتقان ەلدەردىڭ ءبىرى – يندونەزيا حالقى.
يندونەزيا كرەستياندارى ءار ءۇش جىل سايىن اتا-بابالارىنىڭ ءمايىتىن قازىپ، دەنەلەرىن تازارتىپ، ساندەپ وتىرادى. بۇل ءراسىم ارقىلى يندونەزيالىقتار اتا-بابالارىنا دەگەن ماحاببات پەن قۇرمەتىن كورسەتەدى، دەپ جازادى «قامشى» پورتالى qubbil سايتىنا سىلتەمە جاساپ.
«ءمايىتتى تازالاۋ» ءراسىمىن يندونەزياداعى سۋلاۆەسي ارالىنىڭ تۇرعىندارى ءجۇز جىلدان بەرى اتقارىپ كەلەدى. ارال تۇرعىندارى اتالمىش ءراسىمدى ورىنداۋعا شىنايى نيەتپەن كىرىسەدى. مايىتتەرگە جاڭا، ادەمى كيىمدەر كيدىرىپ، وتباسىلى سۋرەتتەرگە ءتۇسىپ، ولاردى ارنايى بايقاۋلارعا جىبەرەدى.
ءيا، ەستىسەڭ، دەنەڭ تىتىركەنەتىندەي اقپارات. دۇنيەدەن وتكەن اتا-بابالارىنىڭ سۇيەگىن سۋرەتكە ءتۇسىرىپ، سۋرەتتەردى بايقاۋدا جارىستىرادى ەكەن. ەڭ ۇزدىك دەپ تانىلعان سۋرەتكە سىيلىق تا بار.
ايتا كەتەرلىگى، ءمايىتتى تازالاۋ ارالداعى ەڭ ماڭىزدى ءراسىم بولىپ تابىلادى. تۋىستارىن قايتا جەرلەۋ ءۇشىن ادامدار قوماقتى قاراجات جۇمسايدى ەكەن، سول ءۇشىن تىنباي جۇمىس ىستەيدى.
ودان بولەك، قازىلعان جەردى دە تازالاپ، جۋىپ، قايتا جەرلەۋ راسىمىنە دايىندايدى. يندونەزيالىقتار ءۇشىن ولىممەن ادامنىڭ ءومىرى تاۋسىلمايدى، تەك تىرشىلىگى توقتايدى.
ولاردىڭ ويىنشا، ولگەن ادامنىڭ رۋحى ءوز اۋىلىندا بولۋى ءتيىس. ەگەر تۋعان اۋىلىنان قاشىقتىقتا دۇنيەدەن وتكەن بولسا، ونى مىندەتتى تۇردە ءوز اۋىلدارىنا اكەلىپ جەرلەيدى. سەبەبى، 3 جىل سايىن ءمايىتتى تازالاۋ جۇمىستارى جۇرگىزىلىپ وتىرۋى ءتيىس. تۇرعىندارى دا ارلدان الىستاامۋعا تىرىسادى ەكەن.
ايتا كەتەرلىگى، سۋلاۆەسي ارالى – كەزىندە ميسسيونەرلەر جەتە الماعان جابىق قوعام. سوعان قاراعاندا، اتالمىش ءراسىم ءالى دە جالعاسىن تاباتىن سىڭايلى.
