«ۆاشينگتون، لوندون جانە پاريج قالالارى ۇسىنعان سيريا بويىنشا بۇۇ قاۋىپسىزدىك كەڭەسىندە قابىلداناتىن قارار جوباسىنا داۋىس بەرۋ كەزىندە قىتايدىڭ قالىس قالىپ قويعانى – اقش پرەزيدەنتى دونالد ترامپتىڭ ەڭ ۇلكەن جەڭىسى»، - دەپ مالىمدەدى اق ءۇيدىڭ رەسمي وكىلى شون سپايسەر، دەپ حابارلايدى ريا نوۆوستي باسىلىمى. مالىمەتتىڭ قازاقشا نۇسقاسىن قامشى اقپاراتتىق اگەنتتىگى وقىرمەن نازارىنا ۇسىنادى.
وتكەن سارسەنبىدە سيرياداعى يدليب ايماعىنا جاسالعان حيميالىق شابۋىل ءۇشىن جاۋاپتىلار جاساعان قاۋلىنىڭ جوباسىنا داۋىس بەرۋ كەزىندە جۇڭگو نە يا، نە جوق دەمەي، قالىس قالىپ قويعان بولاتىن.
«پەكيننەن قولداۋ تابۋ – وسى ەلدىڭ جانە پرەزيدەنتتىڭ ەڭ ۇلكەن ديپلوماتيالىق جەڭىسى»، - دەپ مالىمدەگەن بولاتىن شون سپايسەر.
اق ءۇيدىڭ باسپا ءسوز حاتشىسىنىڭ حابارلاۋىنشا، دونالد ترامپ قحر ءتوراعاسى سي سزينپينمەن فلوريدا شتاتىندا كەزدەسۋ وتكىزگەن. بۇل كەزدەسۋدىڭ ناتيجەسىندە، ەكى ال اراسىنداعى قارىم-قاتىناستى قالىپتاستىرىپ، ىنتىماقتاستىعى ارتا تۇسكەن.
رەسەيدىڭ اتالمىش جوبانى بۇعاتتاۋ جايىنداعى شەشىمىنە قاتىستى سپايسەر وتە سەنىمدى تۇردە «سيرياعا قاتىستى ماسەلەلەردىڭ بارلىعىنان رەسەي شەتتەتىلگەن» دەپ مالىمدەدى. ونىڭ ايتۋىنشا، «سيريانى قولداۋشى ۇساق مەملەكەتتەر بار، الايدا رەسەيدى قوسپاعاندا، ول ەلدەردىڭ بارلىعى – ۇتىلعان ەلدەر بولىپ تابىلادى».
پىكىر قالدىرۋ