Global Peace Index ۇيىمى الەمدەگى ەڭ ءقاۋىپسىز مەملەكەتتەر ءتىزىمىن جاريالادى، دەپ حابارلايدى قامشى اقپاراتتىق اگەنتتىگى.

2009 جىلدان بەرى الەمدىك ەكونوميكالىق فورۋم اياسىندا Global Peace Index ۇيىمى تۋريستەر ءۇشىن الەمدەگى ەڭ ءقاۋىپسىز ءارى قارجىلىق جاعىنان ءتيىمدى مەملەكەتتەردىڭ ءتىزىمىن جاسايدى. ەلدەگى زاڭنىڭ ورىندالۋ كۇشى، ونىمدەردىڭ باعاسى، قىلمىستىق كورسەتكىش، ۇلتتىق قاۋىپسىزدىك، ساياسي تۇراقتىلىق كريتەرييلەرى بويىنشا 163 مەملەكەتتىڭ ءتىزىمى جاسالدى.

بيىل ءتىزىمدى يسلانديا باستاپ وتىر. ەكىنشى ورىندا دانيا، ۇشتىكتى اۆستراليا قورىتىندىلادى. ەڭ ءقاۋىپسىز وندىقتى ءارى قاراي جاڭا زەلانديا، پورتۋگاليا، چەحيا، شۆەساريا، كانادا، جاپونيا، سلوۆەنيا جالعايدى.

قازاقستان بىلتىرعى كورسەتكىشتەن 9 ساتىعا جوعارىلاپ 75 ورىندا تۇر.

كورشىلەرىمىز: وزبەكستان – 109، جۇڭگو – 120، قىرعىزستان – 124، رەسەي – 151 ورىندا.

الەمدەگى ەڭ ءقاۋىپتى ون مەملەكەت: پاكىستان – 153، ليۆيا – 154، سۋدان – 155، ۋكراينا – 156، ورتالىق افريكا رەسپۋبليكاسى – 157، يەمەن – 158، سومالي – 159، اۋعانستان – 160، يراك – 161، وڭتۇستىك سۋدان – 162، سيريا – 163.

اقنيەت تولەندى