كريشتيانۋ رونالدۋ وزىنە Der Spiegel جۋرنالىنىڭ «قىز زورلادى» دەپ تاققان ايىبىن جوققا شىعاردى، دەپ حابارلايدى قامشى اقپاراتتىق اگەنتتىگى.

نەمىستىڭ Der Spiegel جۋرنالى فۋتبوليست 2010 جىلى «قىز زورلاعان» جانە وسى ءىسىن اقشامەن جاپقان دەپ ايىپتاعان بولاتىن. ءوز كەزەگىندە رونالدۋ اگەنتى جورجە مەندەشتىڭ رەسمي سايتىندا بۇل ايىپقا جاۋاپ بەردى.

سپورتشى بۇل اقپاراتتى «جۋرناليستىك فانتازيانىڭ كورىنىسى» دەپ اتادى. ءوزىنىڭ ايىپ تاعىپ وتىرعان قىزدى تانىمايتىنىن، اقپارات بەرگەن ادۆوكاتتاردىڭ وزىنە قاتىسى جوقتىعىن جانە دايەك رەتىندە جاريالانعان حاتتى كورمەگەندىگىن مالىمدەدى. سونىمەن قوسا، «جابىرلەنۋشى» قىزدىڭ ءوز اتىن جاريالاماعاندىعى مەن بۇل ايىپتى راستاۋدان باس تارتىپ وتىرعاندىعىن ءوز ءسوزىنىڭ دۇرىستىعىنا دالەل رەتىندە كەلتىردى.

باسىلىمنىڭ حابارلاۋىنشا بۇل وقيعا 2009 جىلدىڭ 13 ماۋسىم كۇنى بولعان. پورتۋگالدىق شابۋىلشى وتباسىمەن لاس-ۆەگاسقا دەمالۋعا بارعان. رونالدۋ «زورلاعان» قىز 20 جاسار امەريكا ازاماتى. بۇل ءىستى جابۋ ءۇشىن 2010 جىلدىڭ 12 قاڭتارىندا سپورتشىنىڭ ادۆوكاتى قىزعا 375 مىڭ اقش دوللارىن تابىستاعان.