14 ساۋىردە پارلامەنت سەناتى ەكونوميكالىق ساياسات، يننوۆاسيالىق دامۋ جانە كاسىپكەرلىك كوميتەتى «100 ناقتى قادام» ۇلت جوسپارى اياسىندا «ازاماتتارعا ارنالعان ۇكىمەت» مەملەكەتتىك كورپوراسياسىنىڭ نىساندارىن ارالاپ، كوشپەلى وتىرىس وتكىزدى دەپ حابارلايدى قامشى اقپاراتتىق اگەنتتىگى parlam.kz-كە سىلتەمە جاساي وتىرىپ.
سەناتورلار ءبىرىنشى كەزەكتە اقمولا وبلىسى بويىنشا سەلينوگراد اۋداندىق حالىققا قىزمەت كورسەتۋ دەپارتامەنتىنىڭ №1 اۋداندىق بولىمىندە بولدى. ودان كەيىن استانا قالاسىنداعى جەر كاداسترى جانە جىلجىمايتىن مۇلىكتەردى تەحنيكالىق تەكسەرۋ دەپارتامەنتىنىڭ ديرەكتورى ە.تاشپەنبەتوۆ وسى مەكەمەنىڭ جۇمىسىمەن دەپۋتاتتاردى تانىستىردى. سەنات دەپۋتاتتارى استانا قالالىق «الەۋمەتتىك تولەمدەردى ۆەدومستۆوارالىق ەسەپتەۋ ورتالىعى» ديرەكسياسىنىڭ قارسى جانە بەك-كەڭسەلەرىندە بولدى. ونىڭ جۇمىسىمەن وسى ديرەكسيانىڭ ديرەكتورى ب.ءجۇنىسوۆ حاباردار ەتتى.
كوشپەلى وتىرىس كەزىندە سەناتتىڭ ەكونوميكالىق ساياسات، يننوۆاسيالىق دامۋ جانە كاسىپكەرلىك كوميتەتىنىڭ ءتوراعاسى ا.بەيسەنبايەۆ ەسەپ بەرەتىن ۇكىمەتتى قالىپتاستىرۋ اياسىندا «ءبىر تەرەزە» قاعيداسى بويىنشا جەكە جانە زاڭدى تۇلعالارعا مەملەكەتتىك قىزمەت كورسەتۋلەر سالاسىنداع ى«ازاماتتارعا ارنالعان ۇكىمەت» كورپوراسياسى قىزمەتىنىڭ ماڭىزى زور ەكەنىن اتاپ ءوتتى. شارا بارىسىندا اقپارات جانە كوممۋنيكاسيالار ءمينيسترى د.ابايەۆ، ۇلتتىق ەكونوميكا ءمينيسترىنىڭ ورىنباسارى ا.جۇماعۇلوۆ جانە «ازاماتتارعا ارنالعان ۇكىمەت» كوممەرسيالىق ەمەس اكسيونەرلىك قوعامى باسقارماسىنىڭ ءتوراعاسى ا.وسپانوۆ ۇيىمنىڭ كەلەشەگى مەن وزەكتى ماسەلەلەرى تۋرالى بايانداما جاسادى. سەنات كوميتەتىنىڭ ءتوراعاسى ا.بەيسەنبايەۆ وتىرىستى قورىتىندىلادى. ول كورپوراسيا قىزمەتىنىڭ ءتيىمدى جاقتارىن اتاپ ءوتىپ، ءتۇرلى انىقتامالار مەن قۇجاتتار الۋ باعىتىندا اكىمشىلىك كەدەرگىلەر مەن مەرزىمىن قىسقارتۋعا قاتىستى ءبىرقاتار ۇسىنىستار ايتتى. «مەملەكەت قوعام ءۇشىن اشىق بولۋى جانە ورتالىق مەملەكەتتىك ورگانداردىڭ ستاتيستيكا دەرەكتەرىنە ونلاين الۋ، ەلىمىزدىڭ ءاربىر ازاماتىنىڭ ءبىرىڭعاي قارجى ەسەبىنە، مەملەكەتتىك ساياساتتىڭ تيىمدىلىگىن باعالاۋ ناتيجەلەرىنە قول جەتكىزۋ ءۇشىن دامي بەرۋ كەرەك»، - دەدى ا.بەيسەنبايەۆ.
سەناتور سونداي-اق مەملەكەت باسشىسى ن.نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ ماڭىزدى ماسەلەلەرىنە توقتالدى. وندا بۇل قۇجاتتىڭ قازاقستان پرەزيدەنتىنىڭ رەفورمالارىنىڭ زاڭدى جالعاسى ەكەنى ايتىلدى. ا.بەيسەنبايەۆ مەملەكەت باسشىسىنىڭ «بولاشاقتا ۇلتتىڭ تابىستى بولۋى ونىڭ تابيعي بايلىعىمەن ەمەس، ادامدارىنىڭ باسەكەلىك قاءبىلەتىمەن ايقىندالادى»، - دەگەن دايەكسوزىنىڭ ماڭىزىنا نازار اۋداردى.
