اننا بولەين

اننا بولەين گەنريح VIII ەكىنشى ايەلى. ونىڭ 11 ساۋساعى جانە ءۇش ومىراۋى بولعان. تاريحشىلاردىڭ ايتۋىنشا، ونىڭ ارتىق ساۋساعى كوپ ادامدا كەزدەسەتىن قۇبىلىس، الايدا ءۇشىنشى ومىراۋى بولماعان. مۇنداي قاۋەسەتتى ونىڭ دۇشپاندارى تاراتۋى ابدەن مۇمكىن.

انتونيو الفونسەكا

امەريكاندىق بەيسبول ليگاسىنىڭ ويىنشىسى انتونيو الفونسەكانىڭ ءار قولىندا التى ساۋساقتان بار. دەگەنمەن، مۇنداي ارتىق دەنە مۇشەسى ونىڭ بەيسبول ويناۋىنا ەش كەدەرگى كەلتىرمەگەن.

مارك ۋولبەرگ

تانىمال اكتەر مارك ۋولبەرگتىڭ سول جاق كەۋدە تۇسىندا ءۇش ەمىزىگى بار. ءوز كارەراسىن باستاپ جاتقان كەزىندە اكتەر بۇل ارتىق دەنە مۇشەسىنەن ارىلماق بولعان، الايدا رايىنان باس تارتىپ، كەيىننەن ۇيرەنىسىپ كەتكەن.

ءۇندىستاندىق ەركەك

2006 جىلى 24 جاستاعى ءۇندىستاندىق ەركەك نيۋ-دەلي قالاسىنداعى اۋرۋحانالاردىڭ بىرىنە بارىپ، ارتىق جىنىس مۇشەسىن الدىرماق بولعان. ول ۇيلەنىپ، تولىققاندى وتباسىن قۇرۋدى ارمان ەتكەن. مۇنداي جاعداي وتە سيرەك كەزدەسەدى.

رەبەكا مارتينەس

پارازيتارلى كرانيوپاگ – بۇل دەگەنىمىز بالا تۋىلعاندا ءوزىنىڭ پارازيتارلى ەگىزىنىڭ باسىمەن بىرگە تۋىلادى. سيام ەگىزدەرىندە ءجيى كەزدەسەتىن جاعداي، الايدا قوسىمشا باستا مي بولمايدى.

ەكى باستى قىز

جوعارىدا اتاپ وتكەن جاعدايعا وتە قاتتى ۇقسايدى. الايدا، پاليسەفاليا قۇبىلىسىندا بالا ەكى تولىق باسپەن دۇنيەگە كەلەدى. جانۋارلار دۇنيەسىندە مۇنداي قۇبىلىستار بولىپ تۇرادى، الايدا ادامداردا بولعان مۇنداي جاعدايلاردى سيام ەگىزدەرى دەپ اتايدى.

ايەل ادام ەر ادامنىڭ ىشىندە

گەرمافروديتيزم – ايەلدىڭ دە، ەركەكتىڭ دە جىنىسىمەن تۋىلاتىن قۇبىلىس جانە مۇنداي جاعدايلار ءجيى ورىن الىپ جاتادى. بۇكىل الەمدەگى حالىقتىڭ 1 پايىزى وسىنداي اۋرۋمەن دۇنيەگە كەلەدى.

ءۇش قولى بار بالا

2006 جىلى قىتايدا دجي دجي ەسىمدى ءۇش قولى بار ءبۇلدىرشىن دۇنيەگە كەلدى. بارلىق قولدارى دا يكەمدى، دۇرىس جۇمىس ىستەپ تۇرعانىنا قاراماستان، شانحاي قالاسىندا دارىگەرلەر بالانىڭ ارتىق قولىن وتا جاساۋ ارقىلى الىپ تاستاعان. ولاردىڭ ايتۋىنشا، ءۇشىنشى قول دۇرىس دامىماي كەلەدى ەكەن.

فراچەسكو لەنتيني

فراچەسكو لەنتيني 1889 جىلى ءۇش اياقپەن جانە ەكى جىنىس مۇشەسىمەن دۇنيەگە كەلگەن. الايدا دجي دجي سەكىلدى ونىڭ ارتىق دەنە مۇشەلەرىن الىپ تاستاۋ مۇمكىن بولمادى.

ءتورت اياقتى قىز

جوزەفين ميرتل كوربين 1868 جىلى دۇنيەگە كەلگەن. بۇل ەرەكشە قىزدىڭ ەكى بولەك دەنەسى مەن ءتورت اياعى بولعان. لەنتيني سەكىلدى جوزەفين دە وتە تانىمال بولعان، ونى «تەحاستىڭ ءتورت اياقتى قىزى» دەپ اتاعان.

بەتتي لۋ ۆيليامس

1932 جىلى كەدەي وتباسىندا دۇنيەگە كەلگەن بەتتي 12 بالانىڭ ەڭ كەنجەسى. ونىڭ دەنەسىندەگى ارتىق اياق-قولى بولماسا، دارىگەرلەردىڭ ايتۋىنشا، دەنساۋلىعى وتە جاقسى بولعان. بەتتي 2 جاسىنان باستاپ ءوزىنىڭ دەنەسىندەگى ەرەكشەلىگىنىڭ ارقاسىندا اقشا تابا باستادى. كەيىننەن وتباسىن اسىراعان بەتتي 23 جاسىندا دەمىكپە اۋرۋىنان قايتىس بولعان.

ەكى دەنەلى ادام

20 عاسىردىڭ تاعى ءبىر ەرەكشە جۇلدىزى 1884 جىلى ريمدە دۇنيەگە كەلگەن جان ليببەر ەسىمدى ەر ادام بولدى. ونىڭ ىشىندە پارازيتارلى ەگىزى وسكەن. سۋرەتتە كورىپ تۇرعانداي، ليببەردىڭ دەنەسىندە 18 سانتيمەترلى  جانە ىشىنە جابىسىپ قالعان باسىمەن ونىڭ ەگىزى ءومىر سۇرگەن. ول 1934 جىلى 50 جاسىندا كوز جۇمدى.

حاننا كەرسي

بۇل ايەلدى سىرتىنان كورىپ وزگە ادامداردان ەش ايىرماشىلىعى جوق دەۋگە بولادى. الايدا، بۇل ايەلدىڭ ەكى جاتىرى بولعان، مۇنداي قۇبىلىس مىڭ ادامنىڭ بىرىندە عانا كەزدەسەدى ەكەن.

اۋدارعان: نازەركە لابيحان