تۇرگەندىك 8 جاسار قىزدىڭ اتاسى قىلمىسكەردىڭ باسىن بالتامەن شاۋىپ جازالاماق بولدى دەپ حابارلايدى قامشى اقپاراتتىق اگەنتتىگى informburo.kz سىلتەمە جاساپ. سىرتتاعى شۋدى ەستىگەن كورشىلەرى قىزدىڭ اتاسىن تىنىشتاندىرىپ، ۋچاسكەلىك پوليسيانى شاقىرادى. تۋىسقاندارى جابىرلەنۋشى قىزدىڭ قانداي ازاپتى باستان وتكەرگەندىگى تۋرالى كتك تەلەارناسىنا بايانداپ بەردى.

2- سىنىپتا وقيتىن جابىرلەنۋشى قىزدى وقيعا ورنىنان كەزدەيسوق ءوتىپ بارا جاتىرعان  11- سىنىپ وقۋشىسى تيمۋربەك جامالاددينوۆ قۇتقارىپ قالدى. ول قىلمىسكەردى قورقىتىپ، قىزدى ۇيىنە دەيىن اكەلىپ تاستاعان. سوققىعا جىعىلعان قىزدارىنىڭ ءتۇرىن كورگەن تۋىسقاندارى قىلمىسكەردى دەرەۋ ىزدەستىرە باستاعان. ونىڭ اتاسى قىلمىسكەردىڭ  باسىن بالتامەن شاۋىپ  جازالاماق  بولعان. ءبىراق كورشىلەرى ونى سابىرعا شاقىرىپ، ولاي جاساۋدىڭ قاجەتى جوق ەكەنىن تۇسىندىرگەن. وسىعان بايلانىستى قىزدىڭ اتاسى كورشىلەرىنە العىس تا ايتادى. وسى وقيعاعا بايلانىستى كوپتەگەن پىكىرلەر جازىلىپ جاتىر. كوپشىلىگى قىزدىڭ اتاسىنىڭ جاساعان ىس-ارەكەتى ورىندى دەپ بىلسە، كەيبىرەۋلەرى مەملەكەت جازالاۋ كەرەكتىگىن ايتادى. پوليسيا قىزمەتكەرلەرى قىلمىسكەردى قولعا ءتۇسىردى. قىلمىسكەر 1985 جىلعى تۇرگەندىك تۇرعىن ەكەندىگى بەلگىلى بولدى. وسى وقيعادان كەيىن جابىرلەنۋشىنىڭ تۋىستارى 12 ساعات بويى ءبىر اۋرۋحانادان باسقا اۋرۋحاناعا جۇگىرگەندىگىن ايتادى. ولاردىڭ ايتۋى بويىنشا ەشقانداي اۋرۋحانا العاشقى كومەك كورسەتە الماعاندىعىمەن قويماي توموگرافيا ءۇشىن اقشا تالاپ ەتكەندىگىن دە ايتىپ بەردى.

ءقازىر اۋرۋحانادا جاتقانىنا 3 كۇن وتسە دە قىز ءالى كۇنگە دەيىن وز-وزىنە كەلمەگەن ەكەن. «بۇل جاعدايعا تەك پەدوفيل عانا كىنالى ەمەس، مەديسينا قىزمەتكەرلەرى دە جاۋاپ بەرۋى كەرەك» -، دەيدى جابىرلەنۋشىنىڭ تۋىستارى.