بۇگىن اقوردادا مەملەكەت باسشىسى نۇرسۇلتان نازاربايەۆ تۇرىكمەنستان باسشىسى گۇربانع ۇلى بەردىمۇحامەدۇلىن قابىلدادى، دەپ حابارلايدى Baq.kz.
«تۇرىكمەنستاندى، جالپى تۇرىكمەن حالقىن ءبىز ءوزىمىز ءۇشىن ەڭ جاقىن كورشى، ارىپتەس جانە باۋىرلاس حالىق دەپ سانايمىن. تاۋەلسىزدىكتىڭ 25 جىلىندا ءوزارا قارىم-قاتىناسىمىز ءاردايىم جوعارى دەڭگەيدە بولدى. ەلدەرىمىزدىڭ اراسىندا ەشقانداي شەشىلمەگەن ماسەلەلەر بولعان جوق. ءبىز قالاي قارىم-قاتىناسىمىزدى ورناتتىق، بۇگىنگى كۇنگە دەيىن ول سونداي دەڭگەيدە قالىپ وتىر. كورشى ەلمەن سىرتقى ساياساتتا ىنتىماقتاستىق ورناتىپ، تۇرىكمەنستان باستامالارىن حالىقارالىق دەڭگەيدە قولدايمىز. كورشى ەل دە ءبىزدىڭ باستامالاردى قولداپ جۇرەدى»، - دەدى نازاربايەۆ.
ەلباسى تۇرىكمەنستانمەن بىرلەسكەن ءىرى جوبالاردىڭ ءبىرى – قازاقستاننان تۇرىكمەنستان مەن يران ارقىلى وتەتىن تەمىرجول - جىبەك جولى باعدارى ەكەنىن اتاپ ءوتتى. مەملەكەت باسشىسى بۇل جايىندا 15 مامىر كۇنى بەيجىڭدە وتەتىن «ءبىر بەلدەۋ-بىر جول» فورۋمىندا ەگجەي-تەگجەيلى ايتىلاتىنىن جەتكىزدى.
