ارتۋر ءوز بەتىنشە شۇڭقىردان شىعۋعا تىرىسقان، الايدا، ناتيجەسىز بولدى.

4 جاسر بالا ءۇش كۇن بويى تەرەڭدىگى 2 مەتر بولاتىن شۇقىردا بولعان، دەپ جازادى قامشى اا.

Informburo.kz پورتالىنىڭ مالىمەتىنشە، ۇيىنەن شىعىپ كەتكەن بالا اداساپ قالادى. ارتۋردىڭ اناسى ماس كۇيدە بولعاندىقتان پوليسەي قىزمەتكەرلەرىنىڭ سۇراقتارىنا ماردىمدى جاۋاپ بەرە قويماعان.

«16 ساۋىردە بالا ۇيىنەن شىعىپ، اداسىپ كەتكەن. بالانىڭ جوعالعانى جايىندا اقپارات 18 ساۋىردە ساعات 21.00-دە كەلدى، اقپارات بەرگەن بالانىڭ 42 جاستاعى اناسىنىڭ بىرگە تۇراتىن قۇربىسى. اناسى ەشتەڭەنى تۇسىندىرۋگە شاماسى كەلمەدى، سەبەبى، ءىشىپ العان. بالانى ىزدەۋ ءۇشىن 300 پوليسەي مەن اسكەري قىزمەتكەرلەر جىبەرىلدى. 19 ساۋىردە، ساعات 8.30-دا ارتۋردى اسكەري-تەحنيكالىق مەكتەپ ماڭىنداعى شۇڭقىر ىشىنەن تابىلعان. قۋانىشقا وراي، بالا ءتىرى. ونى تاپقانىمىزدا، ارتۋردىڭ قارنى اش بولدى، ءارى قاتتى شولدەپ قالعان»، دەدى پاۆلودار وبلىستىق ءىىد باسپا ءسوز حاتشىسى بايان ماعزۇموۆا.

بالاعا سول ساتتە-اق مەديسينالىق كومەك كورسەتىلدى. اۋىر جاراقات الماعان. دەنساۋلىعىن تەكسەرتۋ ءۇشىن وبلىستىق بالالار اۋرۋحاناسىنا جەتكىزلدى.

18 ساۋىردە ارتۋر 4-كە تولدى. پوليسەيلەردىڭ حابارلاۋىنشا، اناسىنا قاتىستى «اتا-انانىڭ بالا تاربيەلەۋ بويىنشا مىندەتتەرىن ورىنداماۋى» جانە «كامەلەت جاسقا تولماعان بالالاردى تاربيەلەۋدە مىندەتتەردىڭ ورىندالماۋى» باپتارى بويىنشا ءىس قوزعالدى.

انالىق قۇقىقتان ايىرۋ جونىندە اقپارات ارنايى كوميسسياعا جونەلتىلەدى.