15 جىلعا جۋىق كورەرمەننىڭ كوزايىمىنا اينالعان، تۇرىكتىڭ فەنومەن تەلەحيكاياسى جالعاسىن تابادى دەپ حابارلايدى قامشى اا

اڭىزعا اينالعان «كوكجالدار مەكەنى»  بىلتىرعى جىلى «كوكجالدار مەكەنى تۇزاق» نۇسقاسىن 300 بولىممەن اياقتاعاننان كەيىن كورەرمەنگە جالعاسىن جاڭا ماۋسىمدا كوپ كۇتتىرگەن ەدى. 2016 جىلدىڭ جازىندا تۇركيادا توڭكەرىس بولعان سوڭ «كوكجالدار مەكەنى توڭكەرىس» اتتى جاڭا فيلم تۇسىرىلەتىنى حابارلانعان. كەيىننەن «كوكجالدار مەكەنى» حيكاياسىنىڭ مەنشىك يەسى Pana Film ءوزىن «تۇرىك بيلىگىنە قارسى» ەتىپ كورسەتكىسى كەلگەن بىرنەشە قارالاۋشىلارمەن سوتتاسىپ، جەڭىپ شىققان.

Pana Filmء-نىڭ حابارىن تۇراقتى جاريالايتىن yazete.com سايتى «كوكجالدار مەكەنى وتان» ءفيلمى تۇسىرىلەتىنىن حابارلادى. پولات الەمداردىڭ ءرولىن سومداۋشى ءارى Pana Film-كومپانياسىنىڭ باسشىسى نەدجاتي شاشماز كورەرمەندەرىن تاڭعالدىرۋعا دايىندالىپ جاتىر.

ايتا كەتسەك،  پولات الەمداردىڭ بۇعان دەيىن «كوكجالدار مەكەنى پالەستين»، «كوكجالدار مەكەنى يراك» اتتى فيلمدەرى تۇركيادا ايتارلىقتاي ساياسي اڭىس تۋعىزعان. ال، «كوكجالدار مەكەنى تەررور» اتتى تۇرىك-كۇرت ماسەلەسىن كورسەتۋگە باعىتتالعان تەلەحيكايا تەك ءبىر ءبولىمى كورسەتىلگەننەن كەيىن تۇركيانىڭ راديو-تەليەۆيزيا جوعارعى كوميتەتى (RTÜK) تاراپىنان تىيىم سالىنعان ەدى. سونداي-اق، بۇعان دەيىن حابارلانعان «كوكجالدار مەكەنى كيپر» ءفيلمى دە ءالى كورەرمەنىمەن قاۋىشقان جوق.