كەشەلى بەرى الەۋمەتتىك جەلىلەردە سۋ تاسقىنى سالدارىنان دالادا قالعان 4-سىنىپ وقۋشىسى ماحاببات ەشيموۆانىڭ ايانىشتى تاعدىرى قىزۋ تالقىعا ءتۇسىپ جاتىر. قوعامدىق رەزونانس تۋدىرعان ۆيدەوروليكتە 10 جاسار قىز ماحامبەت اۋىلىنداعى ءۇيىن سۋ باسىپ قالىپ، مەكتەپكە كيەتىن كيىمدەرى مەن وقۋلىقتارى قالىپ قويعاندىعىن اشىنا ايتادى. 

اتالعان ۆيدەو جاريالانا سالىسىمەن قالا بيلىگى جەدەل ارەكەت ەتىپ، ماحاببات پەن ونىڭ اناسى تۇرعانگۇل ەشيموۆا قازىرگى تاڭدا ۋاقىتشا تۇرىپ جاتقان №40 مەكتەپكە بارىپ قايتتى دەپ حابارلايدى قامشى اا Baq.kz-كە سىلتەمە جاساي وتىرىپ. بالانىڭ ءوتىنىش-ارىزىن قالا اكىمىنىڭ ورىنباسارى ءلاززات ورازبايەۆانىڭ ءوزى تىڭدادى.

ايتا كەتەيىك، تاسقىننان زارداپ شەككەن وزگە وتباسىلاردىڭ بالالارى سەكىلدى بۇل وقۋشى دا مەكتەپكە قاجەتتى بارلىق قۇرال-جابدىقپەن جانە وقۋلىقپەن قامتاماسىز ەتىلدى.