ۆەنەسۋەلا پرەزيدەنتى نيكولاس مادۋروعا قارسى نارازىلىق ەرەۋىلى بارىسىندا ەكى ستۋدەنت پەن ۇلتتىق گۆارديا سەرجانتى قازا تاپتى. بۇل تۋرالى قامشى اا   Reuters-كە سىلتەمە جاساپ حابارلايدى.

وپپوزيسيا وكىلدەرى مادۋرونىڭ ساياساتىنا قارسى نارازىلىققا شىقتى. ولاردىڭ پىكىرىنشە پرەزيدەنت ەلدەگى دەموكراتيانى شەكتەپ، ەكونوميكاعا زيانىن كەلتىرۋدە.

بىرنەشە مىڭ ادام قاتىسقان نارازىلىق شەرۋى 2014 جىلدان بەرگى بولىپ وتكەن ەرەۋىلدەردىڭ ىشىندەگى ەڭ ۇزاققا سوزىلعانى ەكەن. 19-ساۋىردە بولىپ وتكەن شەرۋدە 400-گە تارتا ادام پوليسەي قىزمەتكەرلەرىمەن ۇستالدى.

ال ۆەنەسۋەلا پرەزيدەنتى مادۋرونىڭ ايتۋىنشا، بۇل ەرەۋىلدىڭ ماقساتى- ەلدە توڭكەرىس جاساپ، ءسوسياليزمدى جويۋ. ۇكىمەتكە وپپوزيسيا بولىپ وتىرعان حالىقتىڭ ايتۋىنشا، پرەزيدەنت ديكتاتور بولىپ كەتكەن، ازاماتتار ساناسىنا  قورقىنىش پەن زورلىق ۇيالاتۋ ءۇشىن اسكەري كۇشتى قولدانادى دەيدى.

بيىلعى جىلدا ورىن العان ەرەۋىلدەردە بارلىعى سەگىز ادام قازا تاپتى. وپپوزيسيا ليدەرى ەنريكە كاپريلەس حالىقتى 20  ساۋىردە دە ەرەۋىلگە شىعۋعا شاقىردى.