تاراز قالاسى پروكۋراتۋراسىمەن تالداۋ بارىسىندا جۇرگىزىلگەن ساۋالنامانىڭ قورىتىندىسىمەن ەكى مىڭنان استام كاسىپكەرلەردىڭ 40 پايىزى، ولاردا مەملەكەت تاراپىنان ساۋدا-ساتتىق اۋكسيوندارعا قويىلعان جەر تەلىمدەرى تۋرالى قانداي دا بولسىن اقپاراتتان حاباردار ەمەستىگىن اتاپ كورسەتكەن بولاتىن.

         بۇل جەردە بيۋروكراتيا پەن سىبايلاس جەمقورلىق ءورشىپ، كەڭ ەتەك الۋدا، سول سەبەپتەن كاسىپكەرلەر شەنەۋنىكتەردىڭ ەسىكتەرىن قاعىپ، ارىز-شاعىمدارىن جازىپ، سوتتاسۋعا ءماجبۇر بولادى.

         كورسەتىلگەن جاعداي ەلىمىزدىڭ ەكونوميكاسىنىڭ نەگىزگى قوزعالتقىشى – كاسىپكەرلەرىمىزدىڭ الدىندا بيۋروكراتيالىق بوگەتتەردى جويۋدىڭ قاجەتتىلىگىنە ۇنەمى  نازار اۋداراتىن ەلباسىمىز ن.ءا.نازاربايەۆتىڭ تالاپتارىنا قايشى كەلەدى. 

         مۇنى ەسكەرە وتىرىپ، وبلىس پروكۋرورى ەرنات سىبانقۇلوۆتىڭ ۇسىنىسى بويىنشا تارازدا  جەر تەلىمدەرىنىڭ اقپاراتتىق جۇيەسى جەتىلدىرىپ ەنگىزىلدى - www.zis-taraz.kz.

         وسى جۇيەنىڭ نەگىزگى ماقساتى - كوممەرسيالىق ماقساتتارعا باعىتتالعان جەر تەلىمدەرىنىڭ ساۋدا-ساتتىق اۋكسيوندارىندا جۇزەگە اسىرۋدىڭ اشىقتىعىن قامتاماسىز ەتۋ.

         وبلىس پروكۋرورى ەرنات سىبانقۇلوۆ تاراز قالاسىنىڭ كاسىپكەرلەرىنە جۇيەسىن تانىستىرۋ راسىمىندە سايت قولدانۋدا وتە وڭاي جانە ءۇش بولىكتەن تۇراتىندىعىن اتاپ كورسەتتى.

         ياعني، ءبىرىنشى بولىك - «جەر تەلىمدەرى»، تاراز قالاسىنىڭ كارتاسىندا مەملەكەتتىڭ جەر تەلىمدەرىن وتكىزۋى تۋرالى تولىق اقپاراتتى كورسەتەدى.

         ەكىنشى بولىك - «وتىنىشتەردى تەكسەرۋ»، بۇل بولىك ونلاين رەجيمىندە  جەكە سايكەستەندىرۋ ءنومىرىن (جسن) ەنگىزۋ جولىمەن ۋاكىلەتتى مەملەكەتتىك ورگانىمەن ءوتىنىشتى قاراستىرۋ بارىسىن باقىلاۋعا مۇمكىندىك بەرەدى.

         ءۇشىنشى بولىك - وسى سۇراقتاردى رەتتەيتىن زاڭنامانىڭ نورمالارىمەن تانىسۋ مۇمكىندىگى.

         بۇل جۇيە تەك كاسىپكەرلەرگە عانا ەمەس، جەر تەلىمىن ساتىپ الاتىن كەز كەلگەن ازاماتقا دا ءتيىمدى، ءارقايسىسى جەرگىلىكتى اتقارۋشى ورگاندا ءوز ءوتىنىشىنىڭ قاراستىرۋ بارىسىن باقىلاپ، مالىمەت الۋعا مۇمكىندىگى بولادى. 

         نەعۇرلىم مەملەكەتتىك قىزمەت كورسەتۋدىڭ پروسەسستەرى اشىق بولسا، سوعۇرلىم سىبايلاس جەمقورلىققا توسقاۋىل قويىلاتىنىن، بۇل رەتتە  ازاماتتاردىڭ دا شاعىمدارى ازاياتىندىعىن وبلىس پروكۋرورى اتاپ ءوتتى، باس پروكۋروردىڭ تالابى دا وسى. 

         بۇل جۇيەنى وبلىستىڭ بارلىق ايماقتارىندا ەنگىزۋ جوسپارلاندى جانە تۇرعىندارعا تۇرعىن ءۇي قۇرىلىسىنا بولىنەتىن جەر تەلىمدەرىن قاداعالاۋ جانە كەزەكتىلىك بويىنشا اشىقتىق ماسەلەسىن جەتىلدىرۋدى ۇيىمداستىرۋ باستى ماقساتىمىز دەپ تۇيىندەدى وبلىس پروكۋرورى.

جامبىل وبلىسىنىڭ پروكۋراتۋراسىنىڭ باسپا ءسوز قىزمەتى