2018 جىلى پەتروپاۆل قالاسىندا مەملەكەت باسشىلارىنىڭ قاتىسۋىمەن قازاقستان مەن رەسەيدىڭ شەكارا ماڭىنداعى ىنتىماقتاستىق فورۋمى وتەدى، دەپ حابارلادى سولتۇستىك قازاقستان وبلىسىنىڭ اكىمى قۇمار اقساقالوۆ تىلشىلەرمەن كەزدەسۋ بارىسىندا.
«مەملەكەت باسشىسى فورۋمدى پەتروپاۆلدا وتكىزۋ تۋرالى كەلىسىمگە قول قويدى»، — دەپ اتاپ ءوتتى ول.
اكىمنىڭ ايتۋىنشا، فورۋمعا دايىندىق اياسىندا پەتروپاۆل قالاسىنا جامبىل كوشەسىنەن كىرەتىن قاقپانى رەكونسترۋكسيالاۋ جۇمىسى باستالادى.
«جەكە سەكتورداعى ەسكى ۇيلەردى بۇزىپ، حالىققا ەسەسىن قايىرامىز. ول جەردە بيىك، ادەمى ۇيلەر سالامىز. جوبالاۋشىلارمەن، قۇرىلىسشىلارمەن تالاي رەت اقىلداسىپ، ادەمى ەتىپ جاساۋدى ويلاستىردىق. سەبەبى بۇل قالاعا كىرەتىن نەگىزگى جول. جانە وعان قاراجاتىمىز دا جەتكىلىكتى»، — دەدى اقساقالوۆ.
