جامبىل وبلىسىندا اسا ءىرى كولەمدە گەروين تاركىلەندى دەپ حابارلايدى قامشى اا khabar.kz-كە سىلتەمە جاساپ.

وقيعا الماتى – ەكاتەرينبۋرگ اۆتوجولىنىڭ 428-شاقىرىمىندا بولعان.

پوليسەيلەر الدىن الا تۇسكەن جەدەل اقپار بويىنشا Toyota اۆتوكولىگىن توقتاتقان. تەكسەرىس بارىسىندا قاپتاماعا سالىنعان 2 كەلى 80 گرامم ەسىرتكى تاركىلەندى. كولىك تىزگىنىندە الماتى وبلىسىنىڭ 32 جاستاعى تۇرعىنى وتىرعان. ال ونىڭ جانىندا بۇرىن سوتتالعان 65 جاستاعى قاراعاندىلىق ازامات بولعان. كۇدىكتىلەر قاماۋعا الىنىپ، قىلمىستىق ءىس قوزعالدى.

گۇلسارا مۇحتارقۇلوۆا، وبلىستىق ءىىد باسپا ءسوز حاتشىسى: - ەسىرتكىگە قارسى كۇرەس ۇنەمى قاتاڭ باقىلاۋدا. سونىڭ ناتيجەسىندە جاقىندا عانا ۇزاق ۋاقىتتان بەرى ەسىرتكى ساتۋمەن اينالىسىپ كەلگەن ۇيىمداسقان قىلمىستىق توپ ۇستالدى. ال وسى جولى دا ۇستالعانداردىڭ بىرەۋى بۇرىن تۋرا وسىلاي ەسىرتكى ساتىپ، ونى ساقتاعانى ءۇشىن ءىستى بولعان. جىل باسىنان بەرى ەسىرتكىگە قاتىستى 286 دەرەك تىركەلىپ، 114 قىلمىستىق ءىس قوزعالدى. ناتيجەسىندە جالپى كولەمى جارتى توننادان استام ەسىرتكى زاتى تاركىلەندى