ەلدەگى سۋ تاسقىنى ءقاۋپى بار وڭىرلەردە اپاتتىق-قۇتقارۋ جانە الدىن الۋ شارالارى تاۋلىك بويى جۇرگىزىلىپ كەلەدى. بۇل تۋرالى ق ر ءىىم توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ.

«جۇرگىزىلگەن شارالار اياسىندا 872 تۇرعىن ءۇي مەن ساياجايلاردان تاسقىن سۋ سورعىتىلدى جانە ايدالدى. رەسپۋبليكا بويىنشا اقمولا، اقتوبە، قاراعاندى، قوستاناي جانە شىعىس قازاقستان وبلىستارىنىڭ ەلدى مەكەندەرىندە 514 تۇرعىن ءۇي، 850 ساياجاي جانە 7 عيماراتتى ءالى دە سۋ باسىپ جاتىر.

قىزىل سۋ كەلگەن وڭىرلەردە ادامدار مەن اۋىل شارۋاشىلىق جانۋارلارىن ەۆاكۋاسيالاۋ، سۋدى سورعىتۋ جانە ايداۋ، سۋ قويمالارىن مۇزدان تازارتۋ، ينەرتتى ماتەريالدار اكەلۋ، قاپشىقتار ازىرلەۋ، بوگەتتەردى نىعايتۋ، سۋ دەڭگەيىن باقىلاۋ، قوعامدىق ءتارتىپتى ساقتاۋ جۇمىستارى جۇرگىزىلۋدە»، - دەپ اتاپ ءوتتى رۋسلان يمانقۇلوۆ.

سۋ تاسقىنى كەزەڭى باستالعالى 71 ادام قۇتقارىلىپ، 8126 ادام الدىن الا ەۆاكۋاسيالاندى. ونىڭ 3 029-ى ءوز ۇيلەرىنە ورالسا، 901ء-ى ەۆاكۋاسيا ورىندارىنا، 4169 تۇرعىن تۋىستارىنا ورنالاستىرىلدى. 

الەۋمەتتىك جەلىلەردە سۋ تاسقىنى جاعدايى بويىنشا جالعان اقپارات تاراتۋ فاكتىلەرى جيىلەپ كەتكەندىگىنە بايلانىستى قۇتقارۋشىلار اكىمدىك پەن تجد رەسمي كوزدەرى تاراتقان اقپاراتتى عانا نازارعا الۋدى سۇرايدى جانە كورىنەۋ جالعان اقپارات تاراتقانى ءۇشىن قازاقستان رەسپۋبليكاسى قىلمىستىق كودەكسىنىڭ 274ء-شى بابىنا سايكەس اكىمشىلىك نەمەسە قىلمىستىق جاۋاپتىلىق كوزدەلگەنىن ەسكەرتەدى.