ءبىرىنشى ورتا سالماقتاعى WBO Intercontinental جانە WBA Fedelatin بەلبەۋلەرىنىڭ يەگەرى قازاقستاندىق بوكسشى قانات يسلام العا قويعان ماقساتتارى مەن جۇدىرىقتاسقىسى كەلەتىن قارسىلاستاردىڭ ەسىمىن اتادى، - دەپ حابارلايدى قامشى اا  Vesti.kz-كە سىلتەمە جاساپ.

"مەن تەك مىقتى بوكسشىلارمەن جۇدىرىقتاسقىم كەلەدى. كەز كەلگەن چەمپيونمەن كەزدەسۋگە دايىنمىن. بوكسپەن اينالىسقانىما 25 جىل بولدى. وليمپيادا ويىندارىنا ەكى رەت قاتىستىم، قولا مەدال الىپ، اۋەسقوي دەڭگەيدەگى الەم چەمپيوناتىنا دا قاتىستىم. ءبىراق ەندى مەن جاس بوكسشى ەمەسپىن. الەم چەمپيونى تيتۋلى ءۇشىن كۇرەسۋگە دايىن بولۋ ءۇشىن كاسىپقوي بوكستاعى بەس جىل جەتكىلىكتى بولدى"، - دەدى قانات يسلام Worldboxingnews.net باسىلىمىنا بەرگەن سۇحباتىندا.

بوكسشىنىڭ ايتۋىنشا، ول ءقازىر العا قويعان ماقساتتارىنا جەتۋ ءۇشىن بار كۇشىن سالىپ جاتىر."مەن كانەلونى، كوتتونى، لارۋدى نەمەسە پاكياونى تىزە بۇكتىرگىم كەلەدى. بۇل مەنىڭ ارمانىم ەمەس، ماقساتىم. بۇل تۋرالى بوكستىڭ بارلىق جانكۇيەرى ايتاتىن بولادى. مەن وسى بوكسشىلاردىڭ بارلىعىن قۇرمەتتەيمىن. سەبەبى الەم بويىنشا مىڭداعان بوكسشىنىڭ ىشىندە چەمپيون اتانۋ وڭاي ەمەس. مەن ءوز ەلىنىڭ بەدەلى ءۇشىن جۇمىس ىستەيتىن ادامداردى قۇرمەتتەيمىن. ال جانكۇيەرلەرىمە ايتاتىنىم: سىزدەردى كوپ كۇتتىرتپەيمىن، جاقىندا مەنىڭ الەم چەمپيونى تيتۋلىنا تالاسقان جەكپە-جەكتە كورەسىزدەر. مەن سىزدەردى جەرگە قاراتپايمىن"، - دەدى قانات يسلام.

وسىعان دەيىن قازاقستاندىق بوكسشى وسىعان دەيىن كەلەسى جەكپە-جەگىن اقش-تا مامىر ايىندا وتكىزەتىنىن ايتقان ەدى.