ءانشى ساكەن مايعازييەۆ ءوزىنىڭ Facebook-تەگى پاراقشاسىندا بىلاي دەپ جازبا جاريالادى:
«ءسۇيىنشى..ەمەس، ءبىراق جاقسى جاڭالىق! قولدى قوزاداي قىزدىرعان قۇرمانعازى - پۋشكين سۇيىسىنەن ءونىم جاساعان جارناما اگەنتتىگىنە قاتىستى الماتىداعى سوت اياقتالدى. شۇكىر ەتەرىمىز، كوپكە سوزبادى. قىنجىلارىمىز، تەك "جارناما تۋرالى" زاڭ بويىنشا ارەكەت ەتتى. ءتۇيىنى - پروكۋرور جارناما اگەنتتىگىنە 120 اەك، ال باسشىسى داريا حاميتجانوۆاعا 80 اەك ايىپپۇل سالۋدى سۇرادى. ءبىراق، سوت جارناما اگەنتتىگىنە 100 اەك، ال باسشىسىنا 70 اەك ايىپپۇل سالدى. بۇل دا بولسىن جەڭىس! وسى ءىستى اياعىنا دەيىن جەتكىزگەن رۋسلان جەلدىباي، باقىتجان بۇحارباي، نۇركەن حالىقبەرگەن، جاقىپ فەدوروۆ سەكىلدى دوستارىما العىس ايتامىن!
ونىڭ ۇستىنە بۇگىن پارلامەنت ءماجىلىسى دەپۋتاتى باقىتبەك سماعۇل اعامىز ۇكىمەتكە ساۋال جولداۋى ءتيىس. جولدايتىنىنا دا سەنەمىن! گوموسەكسۋاليزمدى ناسيحاتتاۋعا تيىم سالاتىن زاڭ كەرەك!»
ەستەرىڭىزدە بولسا تامىز ايىندا الماتى كوشەلەرىنىڭ بىرىندە ىلىنگەن ۇلتتى قورلاعان جارناما جۇرتتىڭ نارازىلىعىن تۋدىرعان ەدى. ءبىر توپ بەلسەندى جۋرناليستەرمەن قاتار وكتەم التايەۆ، ساكەن مايعازييەۆ، ماقسات راحمەت، اسىلحان تولەپوۆ، ارتۋر تولەپوۆ، ەرلان اليموۆ سياقتى انشىلەر جارناما جاساۋشى Havas Worldwide Kazakhstan كومپانياسى الدىنا جينالىپ ازاماتتىق پىكىرلەرىن بىلدىرگەن بولاتىن.
ءانشى ساكەن مايعازييەۆ كوپ اراسىنان سۋىرىلىپ شىعىپ، جۇرتتى بۇنداي كەلەڭسىز نارسەلەرگە قارسى بولۋعا ۇندەگەن ەدى. سونداي-اق: «بۇنداي وڭباعاندار دۇرىس جولمەن، زاڭعا باعىنىپ جارناماسىن جوق ەتپەسە، ءبىزدى تىڭدايتىن ەر جۇرەكتى ازاماتتاردىڭ «قىلمىسقا بارۋىنا» تۋرا كەلەدى» دەگەن بولاتىن.
قوعامنىڭ دۇرلىگۋىنەن يمەنىپ، جارناما الىنىپ تاستالسا دا، بۇنداي باسسىزدىق وقيعالاردىڭ ەندى قايتالانبايتىنىنا ەش كەپىلدىك جوق. سەبەبى بۇل تيپتەگى ورەسكەل ىستەردىڭ ەل ىشىندە ناسيحاتتالۋىنا زاڭ اياسىندا كەدەرگى جوق. ءتىپتى، جانار سەكەرايەۆا سياقتى ازاماتشالار ءبىرجىنىستى قاتىناس ءىسىن اقتاپ، ونداي ارەكەتپەن اينالىساتىندارعا قولداۋ كورسەتۋ كەرەك دەپ شىر-پىر بولىپ ءجۇر. ۇكىمەت باقىتبەك سماعۇل ۇسىناتىن زاڭدى تيىسىنشە پارمەن بەرە قارايدى ءارى تەزدەتىپ قابىلدايدى دەپ سەنەمىز. سونىمەن قاتار اشكەرە جانە جاسىرىن ءجۇرىپ جاتقان گوموسەكسۋاليزم جارنامالارىنا، جارنامالاۋشىلار مەن جارناما بەرۋشىلەرگە قاتاڭ تىيىم سالادى دەپ ءۇمىت ارتامىز.
