الداعى ۋاقىتتا ەلىمىزدىڭ ءوز چاتى، ياعني حات نەمەسە باسقا دا اقپاراتتىق ماتەريالداردى الماسۋعا مۇمكىندىك بەرەتىن ءموبيلدى كوممۋنيكاسيالىق جۇيەسى بولادى، دەپ حابارلايدى قامشى اقپاراتتىق اگەنتتىگى.
بۇگىن الماتى قالاسىنداعى ايسەر قوناق ۇيىندە وسى جۇيەنىڭ جاساۋشى اۆتورى داۋرەن قازىبەك ۇلىنىڭ جانە وزگە دە IT ماماندارىنىڭ قاتىسۋىمەن كونفەرەنسيا بولىپ ءوتتى. كونفەرەنسيا بارىسىندا باعدارلاما قىزمەتى ەگجەي-تەگجەيلى تانىستىرىلدى.
بۇل جۇيە Indigo24 دەپ اتالادى. Indigo24 قازىرگى قولدانىستاعى Whatsapp، Wechat، Viber سىندى تانىمال جەلىلەردىڭ وتاندىق ءتۇرى بولماق جانە ونىڭ ەرەكشەلىكتەرىمەن قولدانۋ فۋنكسياسىنىڭ امبەباپتىعى، سونىمەن قاتار تيىمدىلىكتەرى وتە كوپ. ەڭ نەگىزگى ەرەكشەلىگىنە توقتالار بولساق، حابارلامانى ۋاقىت بەلگىلەۋ ارقىلى جىبەرۋگە، ياعني ەرتەڭگى ۋاقىتتى جوسپارلاۋ ارقىلى الدىن-الا جىبەرۋگە بولادى. ۆيدەوكونفەرەنسيالار، تىكەلەي ەفيردە بايلانىسقا شىعۋ سىندى تەتىكتەرى ىسكە قوسىلعان. سونىمەن قاتار اقشا اۋدارىمدارىن جۇزەگە اسىرۋدا بانكومات كارتوچكالارىنا، جەكە ەسەپ-شوتقا جۇيە ىشىندە اۋدارىمدار جاساۋعا، كومۋنالدىق تولەمدەر مەن ساتىپ الۋ تولەمدەرىن جاساۋ كەزىندە، كينوتەاتر جانە وزگە دە جول ءجۇرۋ بيلەتتەرىنە تاپسىرىس بەرۋدە كەڭىنەن پايدالانۋعا بولادى. ءبىر قىزىقتىراتىنى like باسۋ اقىلى، ياعني ءبىر تەڭگە بولسا، سىزگە باسىلعان لۇپىلدەن ەسەپ-شوتىڭىزعا سول اقشا تۇسەدى. بۇل ارقىلى قايىرىمدىلىق شارالارىمەن قاتار باسقا دا پايدالى ىستەردى جۇزەگە اسىرۋعا بولادى. Wechat، Whatsapp ءتارىزدى جەلىلەردىڭ بۇكىل فۋنكسياسى Indigo24 جۇيەسىندە قامتىلعان. بولاشاقتا بۇكىل الەمدىك قولدانىسقا شىعارۋ جوسپارلانعان. نەگىزگى شەت تىلدەرىنىڭ بارلىعى ەنگىزىلىپ، اتالعان قىزمەتتەردىڭ بارلىعىن ورىنداۋعا ءازىر العاشقى وتاندىق باعدارلاما بولىپ تابىلادى. «ءقازىر ەلىمىزدە جان جاقتى جارنامالاۋ جۇمىستارى ءجۇرىپ جاتىر، ءتىپتى شەت ەلدىك كومپانيالار وسى جۇيەمەن بىرىگىپ جۇمىس جاساۋعا قىزىعۋشىلىق تانىتۋدا»، - دەيدى يدەيا اۆتورى كاسىپكەر داۋرەن قازىبەك ۇلى.
جۋرناليستتەردىڭ قاتىسۋىمەن وتكەن كونفەرەنسيا كەلگەن قوناقتاردىڭ بارلىق سۇراقتارىن قاناعاتتاندىرىپ قويماي، قاتتى قىزىعۋشىلىعىن تۋدىردى. ءوزىمىزدىڭ Whatsapp-ىمىز بولاتىنى كەز-كەلگەن قازاقستاندىق ءۇشىن قۋانارلىق جاڭالىق ەكەنى ءسوزسىز. ال، ىسكە ءسات!
