ءبىلىم جانە عىلىم ءمينيسترى ەرلان ساعادييەۆ 8 جاسار قىزدى پەدوفيلدەن قۇتقارىپ قالعان 11 سىنىپ وقۋشىسىنا العىس ءبىلدىردى، دەپ حابارلايدى قامشى اقپاراتتىق اگەنتتىگى.
«قۇرمەتتى، تەمىربەك تاحير ۇلى! ادام ءومىرىن قۇتقارۋ ماقساتىندا جاساعان ەرلىگىڭىز ءۇشىن العىس بىلدىرەمىن. ءسىزدىڭ بۇل ارەكەتىڭىز وزگەلەرگە ۇلگى بولاتىنىنا سەنىمدىمىن. الداعى ىستەرىڭىزگە ساتتىلىك تىلەيمىن. مەن ءسىزدىڭ ەلىمىزدىڭ دامۋىنا ولشەۋسىز ۇلەس قوساتىن ازامات بولاتىنىڭىزعا سەنىمدىمىن»، - دەيدى مينيستر جولداعان حاتىندا.
مينيسترلىكتىڭ باسپا ءسوز قىزمەتىنىڭ حابارلاۋىنشا، بۇگىن الماتىدا ءبىلىم مينيسترلىگى عىلىم كوميتەتىنىڭ ءتوراعاسى بولاتبەك ابدراسىلوۆ حاتتى تەمىربەككە تاپسىرادى.
