قورقىت اتا اتىنداعى قىزىلوردا مەملەكەتتىك ۋنيۆەرسيتەتىندە جۋرناليستيكا ماماندىعى بويىنشا ءىح پاندىك وليمپيادانىڭ اشىلۋ سالتاناتى ءوتتى دەپ حابارلايدى قامشى اقپاراتتىق اگەنتتىگى.

شارا وقۋ-تاربيە جۇمىستارى جونىندەگى پرورەكتور ب.ج. ابدىكارىموۆ سوزىمەن باستالدى. ىزىنشە،  ۋنيۆەرسيتەتتىڭ ونەرلى جاستارى كونسەرتتىك باعدارلاما ۇسىنىپ، كەلگەن قوناقتارعا تاماشا كوڭىل-كۇي سىيلادى. كەش اياسىندا ءدۇبىرلى دوداعا رەسپۋبليكانىڭ ءار تۇپكىرىندەگى 13 جوو كەلگەن توپتار تانىستىرىلدى. اتاپ ايتاتىن بولساق، ل. ن. گۋميليەۆ اتىنداعى ەۇۋ، ءال-فارابي اتىنداعى قازۇۋ،  ە.ا. بوكەتوۆ اتىنداعى قارمۋ،  س.تورايعىروۆ اتىنداعى پمۋ، ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى،  ياسساۋي اتىنداعى حالىقارالىق قازاق-تۇرىك ۋنيۆەرسيتەتى، سۇلەيمان دەميرەل اتىنداعى ۋنيۆەرسيتەت جانە ت.ب. بار.

كوماندالاردى باعالاۋعا جۋرناليستيكا سالاسىنىڭ مايتالماندارى جينالدى. قورقىت اتا اتىنداعى قمۋ پرورەكتورى ا.ت. ءجۇنىسوۆ باستاعان قازىلار القاسىنىڭ قۇرامىندا قازاق ءتىلى مەن ادەبيەتى جانە جۋرناليستيكا كافەدراسىنىڭ مەڭگەرۋشىسى ع. ءا. تۇياقبايەۆ، رەسپۋبليكالىق «ەگەمەن قازاقستان» گازەتىنىڭ قىزىلوردا وبلىسىنداعى مەنشىكتى ءتىلشىسى ە.ا. بايتىلەس، «حابار» اگەنتتىگى تەلەارناسىنىڭ قىزىلوردا وبلىسىنداعى مەنشىكتى ءتىلشىسى ن. ج. جاقىپبەكوۆ، قىزىلوردا وبلىسى اكىمىنىڭ باسپا ءسوز حاتشىسى ب.ش. شامشات، ياسساۋي اتىنداعى حالىقارالىق قازاق-تۇرىك ۋنيۆەرسيتەتى، قازاق فيلولوگياسى جانە جۋرناليستيكا كافەدراسىنىڭ دوسەنتى ب.ك. سەردالى، قازاق ءتىلى مەن ادەبيەتى جانە جۋرناليستيكا كافەدراسىنىڭ دوسەنتى ز.ن. ەرماعانبەتوۆا، قازاق ءتىلى مەن ادەبيەتى جانە جۋرناليستيكا كافەدراسىنىڭ دوسەنتى گ.ش. اشىربەكوۆا  بار.

وليمپيادانىڭ بيىلعى ەرەكشەلىگى 9 جىلدان كەيىن ءبىرىنشى رەت وليمپيادانى وتكىزۋ ەستافەتاسىن ۇتىپ العان قورقىت اتا اتىنداعى قمۋ ۇيىمداستىرۋى.