سىرداعى سىرشىل مۇراجاي

    Zhazira Baidaly
    سىرداعى سىرشىل مۇراجاي

    سىر ەلىندەگى قورقىت اتا اتىنداعى قىزىلوردا مەملەكەتتىك ۋنيۆەرسيتەتىندە جۋرناليستيكا ماماندىعى بويىنشا ءىح رەسپۋبليكالىق پاندىك وليمپيادا ءوتىپ جاتىر. دوداعا كەلگەن بولاشاق جۋرناليستەر ۋنيۆەرسيتەت مۇراجايىن ارالادى. 80 جىلدىق تاريحى بار وقۋ ورىنىنىڭ مۇراجايىندا ۋنيۆەرسيتەتتى ءار جىلدارى باسقارعان باسشىلارى مەن پروفەسسور-وقىتۋشىلاردىڭ جەتىستىكتەرى قويىلعان. ايتا كەتەيىك، 1937جىلى كورەيادان قۋعىنعا ۇشىراعان كورەيلىكتەر قىزىلورداعا باس ساۋعالاعان. كەيىن وسىندا كورەيلەردىڭ ىقپالىمەن ينستيتۋت قۇرىلادى. ارادا 45 جىلدان سوڭ جامبىل پوليتەحنيكالىق ينستيتۋتىنىڭ فيليالى رەتىندە ىرگەتاسى قالانادى. ۋاقىت وتە كەلە گوگول اتىنداعى پەداگوگيكالىق ينستيتۋتپەن بىرىگىپ، قورقىت اتا اتىنداعى قىزىلوردا مەملەكەتتىك ۋنيۆەرسيتەتى دەگەن جاڭا اتاۋ بەرىلەدى.

    قازىرگى تاڭدا ءبىلىم ورداسى 9 ماماندىق بويىنشا Phd دوكتورلارى، 60 ماماندىق بويىنشا باكالاۆر، 47 ماماندىق بويىنشا ماگيسترانتتاردى ءبىلىم نارىمەن سۋسىنداتىپ وتىر. ەلىمىزگە بەلگىلى ەڭبەك ەرى ابزال ەرالييەۆ، ريودا وتكەن الەمدىك وليمپيادا جەڭىمپازى الەكساندر زايچيكوۆ، بەلگىلى جۋرناليست عالىمجان بايىمبەت وقىعان ۋنيۆەرسيتەت جەتىستىگى مۇنىمەن تولاستاماق ەمەس. سونداي-اق، ءداستۇرلى جىراۋ الماس الماتوۆ تا ءبىلىم العان. ول ۋنيۆەرسيتەتتە العاش ءداستۇرلى جىراۋ ماماندىعىن اشىپ، ارنايى دارىستەر دە وقىدى. وڭىرىمىزگە 1998 جىلى ءىس ساپارمەن كەلگەن ەلباسى ن.ءا.نازاربايەۆ ۋنيۆەريتەت مۇراجايىمەن تانىسقان. بۇگىنگى كۇنى ءبىلىم ورداسىنىڭ قۇرىلعانىنا 80 جىل. جۋرناليستيكا ماماندىعىنىڭ اشىلعانىنا 20 جىل. اتالمىش مەرەيتويعا وراي ۇيىمداستىرىلعان سايىس بارىسىندا جاس جۋرناليستەر ءبىلىم باسەكەسىنە ءتۇستى. 

     

    ءاليا قايرات قىزى

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025