قازاقستان ساباننان ەلەكتر قۋاتىن وندىرەتىن بولادى

    Assem Almuhanbet
    قازاقستان ساباننان ەلەكتر قۋاتىن وندىرەتىن بولادى

    بۇگىن ۆيسە-پرەمەر ا.مىرزاحمەتوۆ Macau Legend Development Ltd قىتايلىق كومپانياسىنىڭ باسشىلارىمەن كەزدەستى دەپ حابارلايدى قامشى اقپاراتتىق اگەنتتىگى ق ر اشم باسپا ءسوز قىزمەتىنە سىلتەمە جاساپ.

    قىتايلىق كومپانيا قازاقستان جەرىندە قۇنى 300 ملن. اقش دوللارىن قۇرايتىن ساباندى قايتا وڭدەۋ كاسىپورىنىن قۇرماقشى. بۇل كاسىپورىن قۇرىلىسىنىڭ ارقاسىندا 500-گە جۋىق قازاقستاندىق جاڭا جۇمىس ورنىمەن قامتىلادى دەپ جوسپارلانۋدا. بارلىق قارجىلىق سالىمداردى قىتايلىق تاراپ ينۆەستيسيالايدى.

    اتالعان كاسىپورىن جوباسىنىڭ قۋاتتىلىعى جىلىنا 10 ملن. توننانى قۇرايتىن سۇيىق جانە قاتتى ورگانيكالىق تىڭايتقىشتاردى وڭدىرۋگە مۇمكىنشىلىك تۋدىرادى دەپ جوسپارلانۋدا. سونىمەن قوسا، زاۋىتتا كولەمى 5 مىڭ كۋب.مەتر قۇرايتىن مەتان گازىن وندىرسە، سول ارقىلى 120 ملن كۆت ەلەكتر قۋاتىن، 70 مىڭ توننا بيولوگيالىق ليگنيندى جۇڭگو، ەۋروپا ەلدەرىنە ەكسپورتتاۋ مۇمكىندىگى پايدا بولادى. سونىمەن قاتار، زاۋىت كۇندەلىكتى 20 مىڭ توننا ساپالى قاعاز وڭدەۋگە قاجەتتى سەلليۋلوزا شيكىزاتىن شىعارا الادى. ال اتالعان كومپانيانىڭ قازاقستانعا قويىپ وتىرعان تالابى – جىلىنا 500 مىڭ توننا شيكىزاتپەن، ياعني سابانمەن قامتاماسىز ەتۋ.

    انىقتاما: بيولوگيالىق ليگنين – كوپتەگەن كاسىپورىن مەن مەديسينادا قولدانىلاتىن باعالى حيميالىق شيكىزات.

    ايتا كەتەتىن جايت، ا.مىرزاحمەتوۆ جاقىندا جۇڭگو ەلىنە جۇمىس ساپارىمەن بارىپ، بىرنەشە كەلىسىمدەرگە قول جەتكىزىپ، بيزنەس قاۋىمداستىق وكىلدەرىمەن كەزدەسكەن بولاتىن. سول كەزدەسۋدە Macau Legend Development Ltd كومپانيا باسشىلارىمەن الدىن-الا كەلىسسوزدەر جۇرگىزىلگەن. ەندى اراعا ۋاقىت ۇزاتپاي، جۇڭگو تاراپىنان ءىرى كومپانيانىڭ كەلىپ، ينۆەستيسيا سالۋعا نيەت ءبىلدىرۋى ەكىجاقتى كەلىسىمنىڭ ناقتى ناتيجەسىن كورسەتىپ وتىر.

    قاتىستى ماقالالار