3 جىلدىق قۇلدىق ءومىر قاتەرلى ىسىك اۋرۋىنا شالدىقتىردى

    Nazerke Labihan
    3 جىلدىق قۇلدىق ءومىر قاتەرلى ىسىك اۋرۋىنا شالدىقتىردى

    تالدىقورعاننىڭ تۇرعىنى لياززات ىسقاقوۆا ءوزىنىڭ 3-جىلدىق قۇلدىق ءومىرى تۋرالى بايانداپ بەردى دەپ حابارلايدى قامشى اقپاراتتىق اگەنتتىگى tengrinews.kz-كە سىلتەمە جاساي وتىرىپ. جاقىن بيلىك وكىلدەرى مەن پوليسيا قىزمەتكەرلەرى جابىرلەنۋشىنىڭ قۇجاتتارىن رەتتەپ بەرەدى. جابىرلەنۋشى ايەل وسىدان 3 جىل بۇرىن ءوزىنىڭ الماتى وبلىسى، الاكول اۋدانىنداعى شارۋا قوجالىعىنا جۇمىسقا ورنالاسقانىن ايتادى.

    «مەنىڭ ءبىر تانىسىم سول اۋدانعا جۇمىسقا ورنالاسۋعا شاقىردى. جالاقىنى دا جاقسى تولەيتىندىگىن ايتقان بولاتىن. سونىمەن بىرگە جۇمىستى جاقسى جاساساڭ سىياقىنى دا بەرەدى دەگەن ەدى. سول ۋاقىتتا قارجى جاعىنان قيىنشىلىق بولعاندىقتان بىردەن كەلىستىم. مەنى شارۋا قوجالىعىنىڭ يەسى بولات دەگەن ازامات كۇتىپ الدى. مەن ول جەردە جەكە مەنشىك مۇلىكتى پايدالانا وتىرىپ جۇمىس جاسايتىندىقتان بولات مەنىڭ جەكە كۋالىگىمدى الىپ الدى. قۇجاتتى العاننان كەيىن ماعان دەگەن قارىم-قاتىناستارى بىردەن وزگەردى. ول جەردە ماعان اۋىر جۇمىستاردى تاپسىرىپ قويدى. ەگەر دۇرىس جاساماعان بولسام مەنى ۇراتىن ەدى.»،- دەپ سۇحبات بەردى. 

    جابىرلەنۋشى بىرنەشە رەت قاشىپ كەتۋگە تىرىسقاندىعىن دا جاسىرمادى. ونىڭ باسىنان ارماتۋرامەن ۇرعاننان كەيىن قاشىپ كەتۋگە ارەكەت جاساي باستاعان.

    «مەن قامىستاردىڭ اراسىنا تىعىلعان ەدىم، ءبىراق مەنى يتپەن ىزدەپ تاۋىپ الدى. ءبىر كەزدەرى مەن قىستىڭ كۇنى جالاڭ اياق قاشۋعا تىرىستىم، ءبىراق تاعى دا ىسكە اسپادى. ۇستاپ الدى، ۇرىپ سوقتى، ءارى قاراي جۇمىس ىستەۋگە ماجبۇرلەدى.مەن قانسىراپ جاتقان كۇننىڭ وزىندە شارۋاشىلىقتىڭ قوجايىنى بوكەن مەن ونىڭ ايەلى انار مەنى سوعۋىن توقتاتپادى. ولاردىڭ بالالارى دا مەنى ءۇردى، بۇكىل وتباسىمەن مەنى تاياق استىنا الدى. ءتىپتى قاتتى اۋىرعان كۇننىڭ وزىندە دارىگەردى جولاتپاي قويدى. تەك مەنىڭ جۇمىس ىستەۋگە ەشقانداي كۇشىم قالماعان كەزدە مەنى اۆتوۆوكزالعا اكەلىپ، جەرگە لاقتىرىپ كەتتى. » دەپ ءوزىنىڭ قۇلتىقتا وتكىزگەن كۇندەرىن ەسىنە الدى.

    باسقا دا وقيعالاردى جالعاستىرىپ ايتا المادى. ونىڭ دەنساۋلىعى تۋرالى ونىڭ اعاسى بايانداپ بەردى.

    «ءتىپتى حايۋان دا ادامنىڭ بۇل ىستەرىن قايتالامايتىن بولار. ءبىز لياززاتتى  جىل بويى ىزدەدىك، ءبىراق تاپپادىق. ول ۇيگە كىرىپ كەلگەن كەزدە، مەن، تۋعان اعاسى ءوز قارىنداسىمدى تانىماي قالدىم. ءتىرى ولىككە ۇقساپ كىرىپ كەلدى. ءبىز دەرەۋ دارىگەرلىك كومەككە جۇگىندىك. ءبىراق قۇجاتتاردىڭ جوقتىعىنان ءتۇرلى ماسەلەلەرگە تاپ بولدىق. دارىگەرلەر قولدان كەلگەن كومەكتى ايامادى. ءبىراق ءبىز كەشىگىپ قالدىق. لياززات 4-دارەجەلى قاتەرلى ىسىك اۋرۋىنا شالدىققان. مەن ەندى وسى ازاپتىڭ ونىڭ ومىرىنەن جوق بولاتىن كۇندى كۇتۋدەن باسقا امالىم جوق. ول ءقازىر عانا وسىلاي جايبىراقات جاتىر. ونىڭ اۋرۋى تۇندە عانا اسقىنىپ، ازاپتايدى.»، - دەپ سۇحبات بەرەدى لياززاتتىڭ اعاسى.

    لياززتتىڭ 5 بالاسى بار. ول ءقازىر ۇيدە، بالالارىنىڭ جانىندا. وسى وقيعاعا بايلانىستى لياززات ىسقاقوۆانىڭ ارىزى تىركەلدى. قازىرگى ۋاقىتتا الاكول اۋدانىندا تەكسەرىس جۇرگىزىلۋدە. 

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025