بەتتى تۇمشالاۋعا تىيىم سالۋ تۋرالى زاڭ قاشان كۇشىنە ەنەتىنى بەلگىلى بولدى (ۆيدەو)

    Gulim Zhaqan
    بەتتى تۇمشالاۋعا تىيىم سالۋ تۋرالى زاڭ قاشان كۇشىنە ەنەتىنى بەلگىلى بولدى (ۆيدەو)

    جىل سوڭىنا دەيىن حيدجاب كيۋگە زاڭ جۇزىندە تىيىم سالىنۋى مۇمكىن. بۇل تۋرالى استانا ارناسىنىڭ تىلشىسىنە بەرگەن سۇحباتىندا ءدىن ىستەرى جانە ازاماتتىق قوعام مينيسترلىگىنىڭ وكىلى باقىت كۇلەكەيەۆ ايتتى، دەپ جازادى قامشى اقپاراتتىق اگەنتتىگى استانا جاڭالىقتارىنا سىلتەمە جاساپ.

    ونىڭ ايتۋىنشا، وزگە ەلدىڭ ۇلتتىق كيىمىن كيەتىن نەگىزىنەن اتىراۋ، اقتوبە مەن الماتى وبلىسىنىڭ قىز-كەلىنشەكتەرى. ءقازىر مينيسترلىك ماماندارى زاڭعا وزگەرىستەر مەن تولىقتىرۋلار ەنگىزۋدى قولعا العان. قۇجات جىلدىڭ سوڭىنا دەيىن ۇكىمەتكە ۇسىنىلاتىن كورىنەدى.

    باقىتجان كۇلەكەيەۆ، ق ر ءدىن ىستەرى جانە ازاماتتىق قوعام مينيسترلىگى ءدىن ىستەرى كوميتەتى ءتوراعاسى مىندەتىن اتقارۋشى:

    «ەلباسىمىزدىڭ ايتىلعان سوزىنەن كەيىن ءتيىستى تاپسىرما كەلەدى. ءقازىردىڭ وزىندە بۇل ماسەلە ءبىز كوڭىل اۋدارىپ، زەرتتەۋدەمىز. ارينە، تىيىم سالىنا ما؟ قانداي تۇردە، قانداي دەڭگەيدە سالىنادى؟ ونىڭ بارلىعىن ويلاستىرۋ كەرەكپىز. ال زاڭنامالىق وزگەرىستەردە قارايمىز. مەملەكەتتىك ورگانداردىڭ پىكىرىن جيناقتاپ، سول كەزدە ەنۋى مۇمكىن». 

    ەسكە سالا كەتەيىك، 19 ساۋىردە نۇرسۇلتان نازاربايەۆ قازاقستان مۇسىلماندارى ءدىني باسقارماسىنىڭ وكىلدەرىمەن كەزدەستى. كەزدەسۋگە قازاقستان رەسپۋبليكاسىنىڭ پرەزيدەنتى اكىمشىلىگى باسشىسىنىڭ ءبىرىنشى ورىنباسارى م.ءتاجين، ءدىن ىستەرى جانە ازاماتتىق قوعام ءمينيسترى ن.ەرمەكبايەۆ، قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ە.مايامەروۆ، يمامدار – ك.دۇيسەنباي، ن.ەسماعانبەت، ن.اۋىسحان ۇلى، ا.كەرىمبەك، ت.وسپان قاتىستى. ەلباسى قاتىسۋشىلارعا ارناعان سوزىندە قازاقستان حالقىنىڭ ومىرىندە ءدىننىڭ ەرەكشە ءرول اتقاراتىنىن اتاپ ءوتىپ، مەملەكەت تاراپىنان ءدىني قارىم-قاتىناستاردى رەتتەۋ ءۇشىن قابىلدانىپ جاتقان شارالارعا توقتالدى.
     

    سونداي-اق فورۋمدا ەلباسى جاس ۇرپاقتىڭ ءدىني ساۋاتسىزدىعىنا ايرىقشا نازار اۋدارىپ، بىلاي دەگەن:

    «ءدىني ساۋاتسىزدىعىنىڭ ناتيجەسىندە جاستارىمىز ساقال قويىپ، شالبارىنىڭ بالاقتارىن قىسقارتىپ تاستايدى. قارا كويلەك كيىپ، بەتى-اۋزىن تۇمشالاعان قىزدارىمىزدىڭ قاتارى كوبەيدى. بۇل ءبىزدىڭ داستۇرىمىزگە دە، حالقىمىزعا دا جات. بۇعان زاڭنامالىق دەڭگەيدە تىيىم سالۋ ماسەلەسىن پىسىقتاۋ كەرەك. قازاق قارا كيىمدى قارالى كەزدە عانا كيەدى».
     

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025