اليمەنت تولەمەيتىندەرگە ەندى قاتاڭ شارا قولدانىلادى

    Assem Almuhanbet
    اليمەنت تولەمەيتىندەرگە ەندى قاتاڭ شارا قولدانىلادى

    تۇرمىستىق جاعدايدا تولىق ەمەس وتباسىنىڭ بالالارى، الەۋمەتتىك تۇرعىدان قاراعاندا ولاردىڭ جاعدايى كوبىنە تومەن دەڭگەيدە ەكەندىگىن اڭعارۋعا بولادى دەپ جازادى قامشى اقپاراتتىق اگەنتتىگى جامبىل وبلىس پروكۋراتۋراسىنىڭ پرەسس-قىزمەتىنە سىلتەمە جاساپ. بۇدان اسقان وزەكتى ماسەلە بار ما. بۇدان سوراقىسى، ولارمەن بىرگە تۇرمايتىن اكەسى نەمەسە اناسى، اليمەنت تولەۋدەن جالتارىپ جۇرگەندىگىن اتاپ ايتساق بولادى.

    زاڭ اتا-انالاردىڭ ءوز بالالالارىن قامتاماسىز ەتۋدەن بوساتقان جوق، ولارمەن بىرگە تۇرماسا دا جاۋاپكەرشىلىكتەن قۇتىلمايدى، سەبەبى اتا-انالىق پارىز دا زاڭناما دا وسىنى مەڭزەيدى جانە مىندەتتەيدى.

    كازىرگى ۋاقىتتا وبلىستاعى سوت ورىنداۋشىلاردىڭ ورىنداۋىندا اليمەنت ءوندىرۋ بويىنشا 12 337 اتقارۋ وندىرىستەرى بار، ولاردىڭ قارىز سومماسى 880 ملن. تەڭگەدەن اساتىندىعىن ايتىپ كەتكەن ءجون.

    وبلىس پروكۋرورى ەرنات سىبانقۇلوۆتىڭ ايتۋى بويىنشا بۇل وتە كۇردەلى ماسەلە بولىپ تۇر. سوندىقتان، جامبىل وبلىسىنىڭ پروكۋراتۋراسى بۇل سالادا قاداعالاۋدى كۇشەيتىپ، بورىشكەرلەرگە قاتىستى قاتاڭ شارالاردىڭ قابىلدانۋىنا باستى نازار اۋدارۋدا.

    وتكەن جىلدان بەرى اليمەنت بويىنشا بورىشكەرلەردىڭ 91ء-ى اكىمشىلىك جاۋاپكەرشىلىككە تارتىلعان بولسا، ونىڭ 55ء-ى قاماققا الىنىپ، 36-ى ايىپپۇل تولەگەن، 7 بورىشكەر قىلمىستىق جاۋاپكەرشىلىككە تارتىلىپ، 175ء-ى كولىك قۇرالدارىن باسقارۋ قۇقىعىنان ايىرىلعان.

    مىسالى، 08.11.2016ج. سوت شەشىمىن ۇزاق ورىنداماعان، بەرەشەك قارىزى 2 ملن. تەڭگەدەن اساتىن بورىشكەر ب.يبرايەۆقا قاتىستى ق ر قك-نىڭ 139 بابىنىڭ 1 بولىگىمەن قىلمىستىق ءىس قوزعالعان.

    سوت قىلمىستىق ءىستى قاراۋ بارىسىندا بورىشكەر ءوزىنىڭ كامەلەتكە تولماعان بالالارىنا قاراجات تاۋىپ، قارىزىن وتەگەنىنە بايلانىستى، مەدياسيا تارتىبىمەن ءىس وندىرىستەن قىسقارتىلعان.

    اليمەنت قارىزدارى 700 مىڭ تەڭگەدەن اساتىن ي.جۇمابايەۆقا قاتىستى مەركە اۋداندىق سوتى 19.04.2017 جىلعى قاۋلىسىمەن ونى 3 تاۋلىككە قاماققا العان..

    بۇدان بولەك، وسى اۋداننىڭ سوتىنىڭ شەشىمىمەن ا.ۆاسيلجانوۆ قاماققا، ونىمەن قوسا كولىك قۇرالدارىن باسقارۋ قۇقىعىنان دا ايىرىلدى.

    وبلىس پروكۋرورى اتاپ وتكەندەي، بورىشكەرلەردىڭ كولىك قۇرالدارىن جۇرگىزۋ قۇقىعىنان ايىرۋ ءتيىمدى ءتاسىل بولىپ تابىلادى، سەبەبى ولار بۇل تۇرعىدا كولىك جۇرگىزۋ كۋالىكتەرى ءۇشىن ءوزىنىڭ كامەلەتكە تولماعان بالالارىنا قىسقا مەرزىم ىشىندە قاراجات تاۋىپ، قارىزدى تولىق كولەمدە وتەۋگە بارىنشا ۇلەستەرىن قوسادى.

    ارينە، وزدەرىنىڭ تۇرمىس جاعدايلارى تومەن بولىپ تابىلاتىن ادال بورىشكەرلەر دە بار. ولارعا قاتىستى وبلىس پروكۋراتۋراسى تۇرمىس جاعدايلارىن جانە جۇمىسسىزدىقتارىن ەسكەرىپ، جۇمىسپەن قامتۋ ورتالىقتارى ارقىلى 195 بورىشكەرلەردى جۇمىسپەن قامتىپ، كامەلەتكە تولماعان بالالارى ءۇشىن اليمەنتتىڭ وندىرىلۋىنە ىقپال جاسادى. ءالى دە 873 بورىشكەرلەر جۇمىسقا ورنالاسۋ كەزەگىن كۇتۋدە - دەپ وبلىس پروكۋرورى قوسىپ ءوتتى.  

    بورىشكەرلەردىڭ جۇمىسقا ورنالاسىپ، اليمەنت قارىزدارىن جابۋى ءتيىمدى اسەر تيگىزدى. وسىعان بايلانىستى بۇل جۇمىس ءوزنىنىڭ جالعاسىن تابادى.

    اتاپ ايتۋ كەرەك، كازىرگى ۋاقىتتا بورىشكەرلەردىڭ دۇنيە-مۇلىكتەرىنە جەدەل تۇردە تىيىم سالىنۋدا، ياعني قارىزدى دەر كەزىندە تولەۋگە شارا قاراستىرماسا نەمەسە بەلگىلەنگەن قاراجاتتى تاپپاسا، ولاردىڭ يەلىگىندەگى ءۇي، پاتەر، اۆتوكولىكتەرى دە تاركىلەنەدى.

    سونىمەن قاتار، بورىشكەرلەرگە شەتەلگە شىعۋعا تىيىم سالىنىپ،  حالىققا قىزمەت كورسەتۋ ورتالىقتارىندا مەكەن-جايى تۋرالى، دۇنيە-مۇلكى تۋرالى اقپاراتتى الۋ قۇقىعىنان ايىرىرلادى.

    ءبىز ادال بورىشكەرلەرگە كومەكتەسۋگە دايىنبىز، باستىسى ولاردىڭ تالپىنىسى مەن كامەلەتكە تولماعان بالالارىنا دەگەن اتا-انالىق سەزىمى، ال اليمەنت تولەۋدەن جالتارىپ جۇرگەن بورىشكەرلەرگە قاتىستى قاتاڭ شارا قولدانىلادى. ءبىزدىڭ باستى ماقساتىمىز جاسى كامەلەتكە تولماعان جاسوسپىرىمدەرگە تيەسىلى قاراجاتپەن قامتاماسىز ەتۋ – دەپ وبلىس پروكۋرورى ءسوزىنىڭ سوڭىن تۇجىرىمدادى.

    قاتىستى ماقالالار