ەلباسىنان سوگىس ەستىگەن يسەكەشوۆ تاڭ اتپاستان قالانى رەتكە كەلتىرۋگە كىرىسىپ كەتتى (فوتو)

    Gulim Zhaqan
    ەلباسىنان سوگىس ەستىگەن يسەكەشوۆ تاڭ اتپاستان قالانى رەتكە كەلتىرۋگە كىرىسىپ كەتتى (فوتو)

    پرەزيدەنتتەن سوگىس ەستىگەن استانا اكىمى اسەت يسەكەشوۆ 22 ساۋىردە تاڭ اتپاستان قالاداعى ءتارتىپتى رەتكە كەلتىرۋگە كىرىسىپ كەتتى.

    اسەت يسەكەشوۆ قۇرىلىس الاڭدارىن، الاڭدارداعى سانيتارلىق جاعدايلار مەن كوپقاباتتى ۇيلەردىڭ ەرەجەگە ساي-ساي ەمەستىگىن، سونداي-اق جول تازالاۋ پۋنكتەرىن ارالاپ شىقتى، دەپ حابارلايدى قامشى اقپاراتتىق اگەنتتىگى استانا اكىمدىگىنىڭ باسپا ءسوز قىزمەتىنە سىلتەمە جاساپ.

    قۇرىلىس الاڭىندا بولىپ قايتقان استانا اكىمى قالا ايماقتارىنا قۇرىلىستان قالعان قوقىستى رۇقساتسىز توكپۋگە بۇيىردى.

    سونىمەن قوسا، قالا باسشىسى ورتالىق جانە قوسالقى كوشەلەردى، ىقشاماۋداندار مەن تۇرعىن ءۇي كەشەندەرىن قاراپ شىقتى. تاس جولداردىڭ جاعدايىن، جاياۋ جۇرگىنشىلەرگە ارنالعان جولداردى، كوشەلەردەگى جارىقتى، كوگالدى مۇقيات تەكسەردى. ۇيلەردىڭ اۋلارىن دا قاراۋسىز قالدىرمادى.

    بۇل تەكسەرىسىنەن سوڭ اكىم قىزمەتكە جاۋاپتىلارعا قالانىڭ كوشەلەرى، نىساندارى مەن اۋلالارداعى تازالىقتى قاداعالاۋىن تاپسىردى. تاپسىرمانىڭ ورىندالۋىنا ءبىر اپتا ۋاقىت بەردى. ورىندالماعان جاعدايدا قاتاڭ جازالانىتىنىن دا ەسكەرتتى.

    ەسكە سالا كەتەيىك، استانا قالاسىنىڭ كەسكىن-كەلبەتىنە كوڭىلى تولماعان ەلباسىمىز قالا اكىمى يسەكەشوۆتى سىننىڭ استىنا الىپ، ءبىر ۇرسىپ الدى.

    ەلباسىمىز استانا قالاسىنىڭ ەكسپو كورمەسىنە دايىندىعىنا كوڭىلى تولماعانىن ايتتى. اتاپ ايتار بولساق، ەسكى ۇيلەردى بۇزىپ، ورنىنا جاڭا نىساندار سالۋ قاجەتتىگىن جەتكىزدى. ەلباسىنىڭ ايتۋىنشا، تۋريستەر ورتالىقتان ون قادام اتتاسا، سۇمدىق جايتتاردىڭ كۋاگەرلەرى اتانۋى مۇمكىن. ورتالىعىمىز كەرەمەت، ال شەت جاق بىلىعىپ جاتىر. شەتەلدەن اسىعا كۇتكەن قوناقتارىمىز مۇنىڭ بارلىعىن فوتوعا ءتۇسىرىپ، الەم الدىندا ماسقارالاسا نە ىستەيمىز دەيدى مەملەكەت باسشىسى.

     يسەكەشيەۆتى استانانىڭ اكىمى ەتىپ تاعايىنداعاندا وعان كوپ ءۇمىت ارتقانىن دا ەلباسى جاسىرمادى. الايدا پرەزيدەنتتىڭ ايتۋىنشا، مۇنداي سوراقىلىق جاقسىبەكوۆتىڭ تۇسىندا دا ورىن الماپتى. ءسوز سوڭىندا اسەت يسەكەشيەۆكە جۇمىستى جەدەلدەتىپ قولعا الۋدى مىندەتتەدى.

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025