ەلباسى مامىردا رەسمي ساپارمەن قىتايعا بارادى

    Gulim Zhaqan
    ەلباسى مامىردا رەسمي ساپارمەن قىتايعا بارادى

    قازاقستان پرەزيدەنتى نۇرسۇلتان نازاربايەۆ 14-15 مامىردا پەكينگە بارادى، دەپ حابارلادى ق ر سىرتقى ىستەر ءمينيسترى قايرات ءابدىراحمانوۆ.

    ق ر سىرتقى ىستەر ءمينيسترى قايرات ءابدىراحمانوۆ جۇما كۇنى قحر سىرتقى ىستەر ءمينيسترى ۆان ي مىرزامەن كەلىسسوزدەر جۇرگىزدى.

    «ەكى جاقتى كەلىسسوزدەر تاقىرىبىنىڭ ءبىرى جوعارى دەڭگەيدەگى ساپارلارعا دايىندىق ماسەلەسى بولدى. ق ر پرەزيدەنتى نۇرسۇلتان نازاربايەۆتىڭ 14-15 مامىرداعى بەيجىڭدە وتەتىن "ءبىر بەلدەۋ ءبىر جول" حالىقارالىق فورۋمىنا قاتىسۋى جانە قحر ءتوراعاسى سي ءسزينپيننىڭ 7-9 ماۋسىمدا شىۇ سامميتىنە قاتىسۋ ءۇشىن استاناعا ساپارى دايىندىعىنا قاتىستى ماسەلەلەر تالقىلاندى»، — دەدى ءابدىراحمانوۆ كەزدەسۋ قورىتىندىلارى بويىنشا باسپاسوزگە وتكىزىلگەن بريفينگ بارىسىندا.

     قازاقستان جانە جۇڭگو ءسىم باسشىلارى ساياسي جانە ساۋدا-ەكونوميكالىق سالاداعى ىنتىماقتاستىق ماسەلەلەرىن، ونىڭ ىشىندە شەكارا ماڭىنداعى سۋ رەسۋرستارىن پايدالانۋ، سونداي-اق كونسۋلدىق ماسەلەلەر بويىنشا ءوزارا ارەكەتتەسۋ ماسەلەلەرىن تالقىلادى.
     

    قاتىستى ماقالالار