«قازگيدرومەت»: اقتوبەدە ناۋرىز بەن ءساۋىر ايلارىندا 3 داۋىل بولاتىنى ەسكەرتىلگەن

    Assem Almuhanbet
    «قازگيدرومەت»: اقتوبەدە ناۋرىز بەن ءساۋىر ايلارىندا 3 داۋىل بولاتىنى ەسكەرتىلگەن

    «قازگيدرومەت» رمك بولجامى بويىنشا، اقتوبە وبلىسىندا 22 مەن 28 ساۋىرىندە كەيدە جاڭبىر جاۋىپ، كۇن كۇركىرەپ، جەلدىڭ كۇشى 15-20 م/سەك بولاتىن، تۇراقسىز اۋا-رايى كۇتىلەدى. تۇنگى تەمپەراتۋرا +2+10-نان 0+5 گرادۋس سەلسيا، كۇندىز +10+15-تەن +15+24 دەيىن اۋىتقيدى دەپ حابارلايدى قامشى اقپاراتتىق اگەنتتىگى «قازگيدرومەت» رمك باسپا ءسوز قىزمەتىنە سىلتەمە جاساپ.

    «قازگيدرومەت» رمك ءتيىستى مەملەكەتتىك ورگاندارعا سونىڭ ىشىندە ق ر اشم سۋ رەسۋرستارى كوميتەتىنە («قازۆودحوز» رمك وبلىستىق فيليالى)، ق ر ءىىم تجك، «قازاقستان وزەندەرى الاپتارىنداعى 2017 جىلعى 1 ناۋرىزداعى جاي-كۇي بويىنشا ىلعال قورىنىڭ جيىنتىعى مەن كۇتىلەتىن سۋلىلىق تۋرالى» انىقتاما-كونسۋلتاسياعا (بۇدان ءارى - انىقتاما-كونسۋلتاسيا) سايكەس، ۋاكىلەتتى ۇيىمدارمەن ءتيىستى شارالار قابىلدانۋ ءۇشىن، قار قورىنىڭ ەداۋىر كولەمى نورمادان 30-50% كوپ ەكەندىگى تۋرالى ۋاقىتىلى 2 اي بۇرىن حاباردار ەتىلدى.

    اقتوبە سۋ قويماسىنا سۋدىڭ كەلىپ ءتۇسۋى  220 ملن. كۋب.مەتردى قۇرادى (نورما كەزىندە 179)، ناقتى سۋدىڭ كەلىپ ءتۇسۋى 285 ملن. كۋب.مەتر قۇرايدى (2017 ج. 20.04. جاي-كۇي بويىنشا).  

    قاراعالى سۋ قويماسىنا سۋدىڭ كەلىپ ءتۇسۋى  250 ملن. كۋب.مەتر قۇرادى (نورما كەزىندە 292)، ناقتى سۋدىڭ كەلىپ ءتۇسۋى 156 ملن. كۋب.مەتر قۇرايدى (2017 ج. 20.04. جاي-كۇي بويىنشا).  

    «قازگيدرومەت» رمك اقتوبە وبلىسى بويىنشا فيليال ديرەكتورى  سەرىك يبرايەۆ: «قازگيدرومەت» رمك بولجامى بويىنشا، كورىنىپ تۇرعانداي، بوس سىيىمدىلىعى 75 ملن. كۋب.مەتر، اقتوبە سۋ قويماسىنا كەلىپ تۇسەتىن سۋ كولەمى، 2017 ج.  01.03. جاي-كۇي بويىنشا بوس سىيىمدىلىقتان 3 ەسە ارتىق بولدى. مەنىڭ بولجامىمشا، بولجانىپ وتىرعان اعىن كولەمىن قابىلداۋ بويىنشا ءوز جۇمىسىن اقتوبە وبلىسىنىڭ «قازۆودحوز» رمك ۋاقىتىلى ورىنداعاندا، سۋ باسۋ اۋدانى ەداۋىر از بولار ەدى.

    وبلىس اكىمدىگىنىڭ كەڭەسىندە نامەتوۆ مىرزا اقتوبە سۋ قويماسىنا كەلىپ تۇسەتىن سۋ كولەمى 500 ملن. كۋب.مەتردەن اسادى دەپ باياندادى، بۇل ارينە وبلىستاعى قاۋىرتتىلىقتى كوتەردى. الايدا، «قازۆودحوز» اقتوبە فيليالى ماماندارىمەن ۇسىنىلاتىن كۇندەلىكتى دەرەكتەرگە سايكەس، 2017 ج.  20.04. جاي-كۇي بويىنشا اقتوبە سۋ قويماسىنا كەلىپ تۇسەتىن ناقتى سۋ كولەمى 285 ملن. كۋب.مەتردى قۇرادى».

    «مەن، سۋ تاسقىنى كەزەڭىندە بارلىق جاۋاپتى تۇلعالار كورىپكەلدەردى ىزدەمەي، جىبەرىلگەن جاڭساقتىقتى باسقا ۇيىمدارعا اۋدارماي، وزدەرىنە جۇكتەلگەن لاۋازىمدىق مىندەتتەردى كاسىبي ورىنداۋلارى اسىرەسە ماڭىزدى دەپ ويلايمىن.

    «قازگيدرومەت» رمك ۇسىنىلاتىن بولجامدارى ءۇشىن وزدەرىنەن جاۋاپكەرشىلىكتى المايدى جانە مەملەكەتتىك ورگانداردى، بۇقارالىق اقپارات قۇرالدارى مەن تۇرعىنداردى گيدرومەتەورولوگيالىق جاعدايلاردىڭ وزگەرگەندىگى تۋرالى وپەراتيۆتى حاباردار ەتىپ وتىرادى. بارلىق جاۋاپتى لاۋازىمدى تۇلعالارعا جۇمىستا جىبەرىلگەن جاڭساقتىق پەن قاتەلەر تۋرالى اقپارات بەرۋگە باتىلدىق تانىتىپ، باسقالاردىڭ قالقاسىنا تىعىلماۋدى ۇسىنار ەدەم.

    وسىدان باسقا، سۋ رەسۋرستارى جونىندەگى كوميتەتتىڭ ءتوراعاسى ي.ا. ابىشيەۆتىڭ قاراماعىندا «قازۆودحوز» رمك بولىپ تابىلاتىن، قازگيدرومەتتىڭ بولجامدارىن قاتە دەپ ەسەپتەۋ دۇرىس ەمەس دەپ حابارلادى. 

    «قازگيدرومەت» رمك انىقتاما-كونسۋلتاسياسىنان باسقا، ناۋرىز بەن ءساۋىر ايلارى كەزەڭىندە 3 داۋىلدىق ەسكەرتۋ، سونىڭ ىشىندە «قازۆودحوز» اقتوبە فيليالىنا اقتوبە وبلىسى وزەندەرىندە سۋلىلىقتىڭ ۇلعايۋى كۇتىلەتىنى تۋرالى بەرىلدى» دەپ اتاپ ءوتتى سەرىك يبرايەۆ.

    «قازگيدرومەت» رمك اقتوبە وبلىسى بويىنشا فيليال ديرەكتورى قورىتىندىسىندا، اقتوبە مەن قاراعالى سۋ قويماسىنا كەلىپ تۇسەتىن سۋ تاسقىنى شىڭىنىڭ وتكەندىگىن قوستى.  ەلەك پەن قاراعالى وزەندەرىنىڭ وسىدان كەيىنگى سۋلىلىعىنا وسى سۋ قويمالارىنىڭ جۇمىس رەجىمى اسەر ەتەتىن بولادى.  

    قاتىستى ماقالالار