2017 جىلعى 21 ساۋىردە بەيرۋت قالاسىندا ق ر يوردانياداعى ەلشىسى ازامات بەردىباي ليۆان رەسپۋبليكاسىنىڭ پرەزيدەنتى ميشەل اۋنعا ليۆان رەسپۋبليكاسىنداعى ەلشى قىزمەتىن قوسا اتقارۋشى رەتىندە سەنىم گراموتالارىن تابىس ەتتى، دەپ حابارلايدى قامشى اقپاراتتىق اگەنتتىگى ق ر ءسىم باسپا ءسوز قىزمەتىنە سىلتەمە جاساپ.
كەزدەسۋ بارىسىندا وتاندىق ديپلومات م. اۋنعا ق ر پرەزيدەنتى ن.ءا. نازاربايەۆتىڭ ءىلتيپاتىن جەتكىزىپ، قازاقستانداعى قازىرگى الەۋمەتتىك-ەكونوميكالىق جاعداي، سونداي-اق ەلىمىزدىڭ اۋقىمدى حالىقارالىق باستامالارى جونىندە حاباردار ەتتى. سونداي-اق ا. بەردىباي ليۆان پرەزيدەنتىنىڭ ءۇ.ج. 10-11 قىركۇيەكتە استانادا وتەتىن يسلام ىنتىماقتاستىعى ۇيىمىنىڭ ءبىلىم جانە تەحنولوگيالار جونىندەگى ءبىرىنشى سامميتىنە قاتىسۋىنا سەنىم ءبىلدىرىپ، قازاقستان-ليۆان قارىم-قاتىناستارىن نىعايتۋ جانە ىلگەرىلەتۋ شارالارىمەن تانىستىردى.
ليۆان پرەزيدەنتى دوستىق جانە ءوزارا سەنىمگە نەگىزدەلگەن بايلانىستاردى دامىتۋعا باعىتتالعان بارلىق باستامالاردى قولدايتىنىن قۋاتتادى.
ەلشى ا. بەردىبايدىڭ بەيرۋت قالاسىنا جاساعان ساپارى شەڭبەرىندە ليۆاننىڭ سىرتقى ىستەر ءمينيسترى دجۋبران باسيل جانە ءسىم-نىڭ باس حاتشىسى شاربەل ۋاحبەمەن كەزدەسۋلەرى ءوتتى. سۇحبات اياسىندا تاراپتار ليۆان پرەزدەنتىنىڭ يىۇ عىلىم جانە تەحنولوگيالار سامميتىنە قاتىسۋ، ەكى ەلدىڭ سىرتقى ىستەر مينيسترلىكتەرى اراسىندا ساياسي كونسۋلتاسيالار وتكىزۋ، ەكىجاقتى قاتىناستاردىڭ شارتتىق-قۇقىقتىق بازاسىن كەڭەيتۋ، مۇددەلى مينيسترلىكتەر مەن ۆەدومستۆالار اراسىندا ءوزارا ساپارلار ۇيىمداستىرۋ مۇمكىندىكتەرى جونىندە پىكىر الماستى.