پەنتاگون سيرياداعى لاڭكەستىك بارلاۋ وپەراسياسى كەزىندە دايش بەلسەندى مۇشەسىنىڭ كوزىن جويدى دەپ حابارلايدى قامشى اقپاراتتىق اگەنتتىگى BBC news-كە سىلتەمە جاساپ.
اسكەري وپەراسيا ەلدىڭ شىعىسىنداعى مايادين اۋماعىندا جاسالعان. اقش قورعانىس مينيسترلىگىنىڭ حابارلاۋىنشا، ولتىرىلگەن لاڭكەس وزبەكستان ازاماتى ابدراحمون وزبەكي.
پەنتاگون ونىڭ دايش باسشىسى ابۋ-باكر ال-باگداتي-دىڭ جاقىن كومەكشىلەرىنىڭ ءبىرى بولعاندىعىن راستادى. ابدراحمون وزبەكي 1ء-شى قاڭتاردا ىستامبۇل قالاسىنداعى Reina تۇنگى كلۋبىنا شابۋىلدى ۇيىمداستىرۋعا قاتىسقان.
ەستەرىڭىزگە سالاي كەتەيىك، شابۋىل سالدارىنان 39 ادام قازا تاپتى. 17ء-شى قاڭتاردا تۇركيا پوليسياسى تۇنگى كلۋبتاعى شابۋىلعا قاتىسقان كۇدىكتىنى ۇستاعان. تەرراكتىنى جاساعان وزبەكستاندىق ابدۋلكادير ماشاريپوۆ ەكەنى راستالعان.