قازاقستاننىڭ تۇڭعىش پرەزيدەنتى قورىنىڭ لاۋرەاتى، بالەت ءارتىسى دوسجان تابىلدى بريۋس لي تۋرالى بي ورىندادى - The Dragon dance (ايداھار ءبيى). بۇل تۋرالى قامشى اقپاراتتىق اگەنتتىگى Tengrinews.kz-كە سىلتەمە جاساپ حابارلايدى. ترەيلەر فورماتىنداعى ۆيدەوروليك ايگىلى بريۋس لي تۋرالى تۇسىرىلگەن، ناقتىراق ايتقاندا ونىڭ گولليۆۋدتىق "يگرا سمەرتي" دەپ اتالاتىن كارتيناسىنىڭ جەلىسىندە تۇسىرىلگەن. جاڭا ۆيدەوروليكتىڭ سيۋجەتى بويىنشا باس كەيىپكەر جاپون كومپوزيتورى شيرو ساگيسۋدىڭ (Shiro Sagisu) A Fight for Our Motherland مۋزىكاسىنا كلاسسيكالىق بالەت بيلەپ، باسقا بي مانەرلەرىمەن جارىسادى.
روليكتە كۇردەلى بي ەلەمەنتتەرى، كلاسسيكالىق بالەت ونەرىنىڭ قيمىل-قوزعالىستارى ورىندالادى.
"اڭىزعا اينالعان بريۋس ءليدىڭ وبرازى ارقىلى جاستاردىڭ نازارىن بالەتكە اۋدارىپ، بالەتتىڭ بي ونەرىنىڭ شىڭى ەكەنىن كورسەتكىمىز كەلدى"، - دەيدى دوسجان تابىلدى. ميلليوندارعا ۇلگى بولعان بريۋس لي رولىندە دوسجان تابىلدى وينايدى. ءتۇرلى بي مانەرلەرىنىڭ شەبەرلەرىن قازاقستاندىق بەلگىلى بيشىلەر ورىنداعان.