الماتى وبلىسىنداعى قۇلاعان ۇشاقتىڭ ۇشقىشتار ەسىمى بەلگىلى بولدى.  قۇلاۋىنىڭ نەگىزگى سەبەپتەرى ءالى انىقتالماعان اپات كوكسۋ اۋدانى اۋماعىندا بولعان.  وقۋ-جاتتىعۋ كەزىندە ۇشاقتا بولعان ەكيپاج مۇشەلەرى تالدىقورعان اسكەري بازاسىنىڭ كومانديرى ەرلان ناۋانوۆ پەن پودپولكوۆنيك دەنيس گوربۋنوۆ. ولار مىنگەن سۋ-27 اسكەري ۇشاعىمەن 23 قىركۇيەك،  كەشكى ساعات 8-دەن 42 مينۋت كەتكەندە بايلانىس ۇزىلگەن. تەك بىرنەشە ساعاتتاردان كەيىن عانا كوكسۋ اۋدانىنىڭ جاڭالىق اۋىلىنا جاقىن ماڭنان ۇشاق قۇلاعان جەر تابىلىپتى. كوكسۋ اۋدانىنىڭ قۇمدى-قىراتتى جەرىنە قۇلاعان ۇشاق ناقتىلانباعان دەرەكتەرگە قاراعاندا، جەرگە 15 مەتر تەرەڭدىككە دەيىن كىرىپ كەتكەن. ويتكەنى، ونىڭ جىلدامدىعى ساعاتىنا 1000-نان 2500 كيلومەترگە دەيىن جەتە الادى. سوندىقتان، قۇلاعان جەرى قازانشۇڭقىر بولىپ ويىلىپ كەتكەن.

31 ارنا جاڭالىقتارى كورسەتىلىمىندە كۋاگەرلەر ۇشاقتىڭ اۋەدە جانىپ كەتكەنىن ايتقان. ۇشقىش،  پودپولكوۆنيك ەرلان ناۋانوۆ تۇركيا رەسپۋبليكاسىنداعى ناتو-نىڭ اۋە قورعانىس بازاسىندا جوعارى ءبىلىم العان. ول بيىل، 7 مامىردا  استانادا وتكەن وتان قورعاۋشىلار كۇنگى شەرۋدى ەرلان ناۋانوۆ شاكىرتتەرىمەن بىرگە وتە كۇردەلى، سەكۋندتىڭ جۇزدەن ءبىر بولىگىندەي دالدىكتەرمەن ىسكە اساتىن نەستەروۆ ىلمەگىن جاساۋمەن اياقتاعان ەدى.  ءبىراق، ارادا 4 اي وتكەندە ەرلان ناۋانوۆ پەن دەنيس گوربۋنوۆ مىنگەن ۇشاق جاتتىعۋ كەزىندە اپاتقا ۇشىرادى. ەكيپاجدى ىزدەستىرۋگە بۇگىن 4 تىكۇشاق پەن 10 ىزدەۋ توبى جۇمىلدىرىلعان. ازىرگە ەكى ۇشقىش تۋرالى ەش مالىمەت جوق.

قامشى-اقپارات