جۋسانتاي اۋىلىنداعى تۇرعىنداردىڭ بارلىعى ىشىمدىك پەن تەمەكى سەكىلدى زياندى زاتتاردان باس تارتتى دەپ حابارلايدى قامشى اقپاراتتىق اگەنتتىگى informburo.kz-كە سىلتەمە جاساپ.
بۇل اۋىلدىڭ تۇرعىندارى زياندى زاتتاردان زارداپ شەكپەيدى جانە جۇمىسسىزدىق ماسەلەسى دە ورىن الىپ جاتقان جوق.
«ءبىز ساتىپ العان زاتتارعا 5-10 تەڭگە قوسامىز. ال مىنا ءۇش زاتتى دۇكەندەردە مۇلدەم ساتپايمىز: تەمەكى، ىشىمدىك، ناسىباي. زياندى زاتتاردى ساتۋ ارقىلى كەلگەن اقشادا بەرەكە بولمايدى»،- دەيدى دۇكەن ساتۋشىسى قارلىعاش ەلتاي.
بۇل اۋىلدىڭ تۇرعىندارى سالاۋاتتى ءومىر سالتىن ۇستانىپ، زياندى زاتتاردان باس تارتقاندارىنا ءبىراز ۋاقىت بولعان.
«بىزدە ەشكىم جۇمىسسىز جۇرمەيدى. بارلىعى ۇنەمى جۇمىس ىستەپ جۇرەدى. تازالىق جۇمىستارىن جۇرگىزگەن كەزدە، كەيدە ۇلگەرمەي جاتىپ، ادام جالدايتىن كەزدەرىمىز دە بولادى»،- دەيدى جەكە شارۋاقوجالىعىنىڭ يەسى يزەتبەك تازابەك ۇلى.