امەريكالىق ۇشاق تاسىعىش سوعىس كەمەسى «كارل ۆينسون» قايتادان سولتۇستىك كورەياعا باعىت الدى

    Assem Almuhanbet
    امەريكالىق ۇشاق تاسىعىش  سوعىس كەمەسى  «كارل ۆينسون» قايتادان سولتۇستىك كورەياعا باعىت  الدى

     اقش ۆيسە-پرەزيدەنتى مايك پەنس وسى سەنبىدە «كارل ۆينسون» سوعىس كەمەسى باستاعان اقش-تىق BMC شابۋىل توبى جاپون تەڭىزىندە ءساۋىر ايىنىڭ اياعىنا دەيىن بولاتىندىعىن ايتتى دەپ حابارلايدى قامشى اقپاراتتىق اگەنتتىگى BBC news باسىلىمىنا سىلتەمە جاساپ.

    بۇل تۋرالى ول ءوزىنىڭ ازياعا جاساعان ساپارى بارىسىندا اۋستراليادا وتكەن پرەسس-كونفەرەنسيادا مالىمدەدى. كحدر-نىڭ يادرولىق جانە راكەتالىق باعدارلاماسى پەنستىڭ وسى ەلدەردىڭ مەملەكەت باسشىلارىمەن  جاساعان كەلىسسوزدەرىنىڭ ەڭ نەگىزگى تاقىرىبىنا اينالعان بولاتىن.

    پەنستىڭ ايتۋىنشا، بەيجىڭمەن قارىم-قاتىناستىڭ جاقسارۋى كورەي تۇبەگىندەگى دەنۋكلەياريزاسيانى (يادرولىق قارۋدى تاراتپاۋ) بەيبىت جولمەن جۇزەگە اسىرۋعا مۇمكىندىك بەرەدى.

    سوڭعى كەزدە كحدر مەن اقش اراسىندا جاعداي قاتتى ۋشىعىپ كەتكەن بولاتىن. سولتۇستىك كورەيا اقش-تىڭ قانداي دا ءبىر شابۋىلى بولا قالسا، يادرولىق قارۋمەن جاۋاپ بەرەتىنىن ەسكەرتەدى. ال ترامپ بۇل ماسەلەنى مىندەتتى تۇردە شەشەتىنىن ايتتى.

    11ءساۋىر كۇنى دونالد ترامپ Fox تەلەكانالىنا بەرگەن سۇحباتىندا  كورەي تۇبەگىنە «ەڭ جويقىن سوعىس ارماداسى» باعىت الاتىنى جايىندا حابارلاعان بولاتىن.

    ونىڭ سولتۇستىك كورەياعا الدىن-الۋ سوققىسىن جاساۋعا دايىندالىپ جاتقاندىعى تۋرالى  ءسوزى  شىعىس ازيانى ءدۇر سىلكىندىردى. 19 ساۋىردەگى اقپارعا سۇيەنسەك، كەمەلەر سولتۇستىككە، جاپون تەڭىزىنە ەمەس باسقا باعىتقا، ياعني اۆسترالياعا، سولاردىڭ اسكەري كۇشتەرىمەن بەلگىلەنگەن وقۋ-جاتتىعۋ جيىنىن وتكىزۋگە اتتانعان.

    كەلەسى كۇنى اق ءۇي مەن پەنتاگون وكىلدەرى ترامپ ءسوزىنىڭ دۇرىستىعىن جانە «كارل ۆينسون» ساپارىنىڭ الدىمەن اۋسترالياعا سوسىن كورەي تۇبەگىنە بەت الاتىندىعىن راستادى. 

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025