دانيال احمەتوۆ سەمەيدە توزىعى جەتكەن قوعامدىق كولىكتەرگە ءمىنىپ كورگەن

    Nurgali Nurtay
    دانيال احمەتوۆ سەمەيدە توزىعى جەتكەن قوعامدىق كولىكتەرگە ءمىنىپ كورگەن

    شىعىس قازاقستان وبلىسىنىڭ اكىمى دانيال احمەتوۆ سەمەي قالاسىنىڭ قوعامدىق كولىكتەرىنىڭ جۇمىسىن ەرەكشە جولمەن تەكسەردى: № 13 باعىتىندا جۇرەتىن اۆتوبۋسقا وتىرىپ، بىرنەشە ايالداما ءجۇرىپ ءوتتى، - دەپ حابارلايدى kaz.tengrinews.kz.

    باسىلىم مالىمەتىنشە، "تەمىر جول ۆوكزالى" ايالداماسىندا احمەتوۆ اۆتوبۋستاردى قاراپ شىقتى. ءبىرىنشى توقتاعان № 29 باعىتىندا جۇرەتىن اۆتوبۋس جولاۋشىلاردى تاسىمالداۋ جۇمىسىنىڭ بار قىزىعىن كورسەتتى. قىتايلىق  اۆتوبۋستىڭ بامپەرلەرى بۇلىنگەن، ال جۇرگىزۋشىسى تازالىق پەن ۇقىپتىلىعىمەن ماقتانا المادى.   

    دانيال احمەتوۆ № 13 باعىتىندا جۇرەتىن اۆتوبۋسقا وتىرىپ، بارلىق جولاۋشىلارمەن بىرگە بىرنەشە ايالداما ءجۇرىپ ءوتتى. وبلىس اكىمى قوعامدىق كولىكتەگى ولقىلىقتاردى ايتىپ، تاپسىرمالار بەردى. جۇمىس ساپارى بارىسىندا ءوزىنىڭ بايقاعاندارىن ول قالالىق ءماسليحاتتىڭ دەپۋتاتتارىمەن ءبولىستى. 

    "دەپۋتاتتاردىڭ قايسىسى ءاردايىم قوعامدىق كولىكپەن جۇرەدى؟ سول ۇشىندە دەپۋتاتتاردى قوعامدىق كولىك ماسەلەسى اسا قىزىقتىرمايدى. مەن بۇگىن اۆتوبۋسپەن ءجۇرىپ قايتتىم. مەنىڭ نە كورگەنىمدى بىلەسىزدەر مە؟ بىرىنشىدەن، اۆتوبۋستاردىڭ ۋاقىتى بەلگىلەنبەگەن، ايالدامالاردا ولار بەلگىلەنبەيدى، تەك سوڭعى ايالدامادا ەسەپ بەرەدى. اۆتوبۋستىڭ سالونى وتە لاس، اينەكتەرىن جاپقىشتار ەمەس، كىر جاۋىپ تۇر. سونىمەن قاتار، ءتۇتىن شىعاتىن قۇبىر جولاۋشىلار وتىراتىن جاقتان شىعىپ تۇر!"، - دەپ شۇيلىكتى احمەتوۆ.   شىعىس ءوڭىرىنىڭ باسشىسى حالىق قالاۋلىلارىنان وسى ماسەلەنى جاقىن ارادا شەشۋدى تاپسىردى.  "سىزدەر ءتاريفتى ءوسىرۋدى سۇرايسىزدار. مۇمكىن ونى دا ىستەرمىز، ءبىراق ول ءۇشىن قىزمەت كورسەتۋ ساپاسىن جوعارىلاتۋ قاجەت. ازىرگە باعانى وسىرۋگە مەن سەبەپ كورىپ تۇرعانىم جوق"، - دەدى شقو اكىمى. 

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025